اسلام آباد ۔ 26 جون (اے پی پی)وفاقی وزیر اطلاعات و نشریات سینیٹر شبلی فرازآکھیے جو پاکستان تحریک انصاف حکومت دی کامیاب سفارتی کوششاں اتے عالمی میڈیا تے معاملہ ستھرا چاونڑ پاروں جگ کشمیر تے بھارت دا بیانہ منڑ توںانکار کر ڈتے،جگ دے ہر فورم تے بھارت دا منہ کالا کریندے راہسوں،پنجاہ سال بعد اقوام متحدہ دی سلامتی کونسل دے اجلاساں اچ مسئلہ کشمیر تے بحث کیتی گئی اے۔اے گالھ انہاں وزارت اطلاعات و نشریات ولوں ”تشدد دے عالمی ڈینھ اتے کشمیر اچ بھارتی انتہا پسندی“بارے سیمینار نال خطاب اچ آکھی۔ وفاقی سیکرٹری اطلاعات اکبر حسین درانی، سفیر آصف درانی، ڈاکٹر ماریہ سلطان، حریت کانفرنس دے نمائندہ ایڈوکیٹ پرویز احمداتے بیاں اہم شخصیات سیمینار اچ شرکت کیتی۔سیمینار اچ بھارتی بربریت، طلم اتے جبر دے اجوکے واقعات، مسئلہ کشمیر تے عالمی برادری دا ردعمل، کشمیریاں دی ہمت و جرات بارے ہک دستاویزی فلم وی ڈکھائی گئی۔ وفاقی وزیر اطلاعات و نشریات سینیٹر شبلی فرازآکھیے جو بھارت چار ڈھاکیاں توں مقبوضہ کشمیر اچ ظلم دی انت مچا ڈتی اے،ایں بربریت اچ روز ڈیہاڑی ودھارا تھیندا پئے،کشمیری مسلسل پنج مہینے توں محاصرے اچ ہین،بھارتی سیکورٹی فورسز مقبوضہ کشمیر اچ انسانی حقوق دی سنگین خلاف ورزیاں اچ ملوث ہین،جے تئیں بھارت انسانی حقوق دی سنگین خلاف ورزیاں کریندا راہسی پاکستان او تئیں بھارت دا مکروہ چہرہ عالمی برادری دے اگو بے نقاب کریندا راہسی،بھارت اقوام متحدہ دی قرارداداں اتے انسانی حقوق کوں ہک پاسے سٹ ڈتے،ایل او سی تے سرحدی خلاف ورزیاں اتے عام شہریاں کوں چٹنڑ معمول ہین،آر ایس ایس دی ہندتوا سوچ خطے دے امن کیتے خطرہ بنڑی ہوئی اے،عالمی برادری مقبوضہ وادی دے زمینی حقائق تے دید بھنواوے،کشمیر دا مسئلہ اقوام متحدہ دی قرارداداں دے مطابق حل تھیونرا چاہیدے۔ انہاں آکھیے جو پاکستان اپنڑی سالمیت اتے زمین دے دفاع دی طاقت رکھیندے،پاکستان کشمیریاں دی سیاسی، اخلاقی اتے سفارتی حمایت جاری رکھیسی۔
حکومت دی کامیاب سفارتکاری پاروں جگ کشمیر بارے بھارتی بیانیہ ہک پاسے سٹ ڈتے،جگ دے ہر فورم تے بھارت دا منہ کالا کریندے راہسوں، وزیر اطلاعات و نشریات سینیٹر شبلی فرازدا سیمینار نال خطاب
مضمون کا ماخذ : پاور بال کے نمبر
متعلقہ مضامین
