راولپنڈی ۔ 13 مئی (اے پی پی) پاک فوج دے سربراہ جنرل قمر جاوید باجوہ بدھ کوں کوئٹہ دا دورہ کیتے۔ سدرن کمانڈ ہیڈ کوارٹرز اچ بریفنگ اچ شرکت کیتی تے کوویڈ 19 کیتے گیریژن قرنطینہ سینٹر دا دورہ کیتے تے امدادی سرگرمیاں اچ مصروف فوجیاں نال گال مہاڑ کیتی ۔ پاک فوج دے شعبہ تعلقات عامہ (آئی ایس پی آر) دے مطابق پاک فوج دے سربراہ جنرل قمر جاوید باجوہ دے ہیڈکوارٹر سدرن کمانڈ دے دورے دے موقع تے سیکیورٹی دی صورتحال، پاک افغان اتے پاک ایران سرحداں دے نال باڑ لاونڑ سمیت حفاظتی صورتحال اتے سرحدی انتظام اتے آپریشنل تیاری تے تفصیلی گال مہاڑ کیتی گئی ۔ آرمی چیف کوں وبائی مرض نال لڑنڑ کیتے سول انتظامیہ نال تعاون تے ایں علاقے دی سماجی و معاشی ترقی کیتے جاری اقدامات بارے ڈسایا گئے ۔ گیریژن قرنطینہ سینٹر دے دورے دے دوران پاک فوج دے سربراہ جنرل قمر جاوید باجوہ صحت دے ایس او پیز اتے گائیڈ لائن دے مطابق انتظامات اتے سہولتاں کوں سراہا۔ افسران اتے نینگراں نال گال مہاڑ کریندے ہوئیں جنرل قمر جاوید باجوہ انہاں دی لگن اتے پیشہ ورانہ مہارت دی تعریف کیتی۔ انہاں آکھیا جو بلوچستان پاکستان دا مستقبل اے اتے اساڈا فرض اے جو پرامن تے خوشحال بلوچستان کیتے حکومت اتے عوام دی پوری مدد کروں ۔ پاک فوج دے سربراہ جنرل قمر جاوید باجوہ سارے کمانڈرز کوں بلوچستان دے پرے دے علاقیں تئیں پجنڑ دی ہدایت ڈتی توں جو کوویڈ 19پاروں عوام کوں پیش آندے چیلنجز کوں گھٹ کرنڑ اچ مدد مل سگدے ۔ایندے توں پہلے کوئٹہ پجنڑ تے آرمی چیف دا کمانڈر سدرن کمانڈ لیفٹیننٹ جنرل محمد وسیم اشرف استقبال کیتا۔
آرمی چیف جنرل قمر جاوید باجوہ دا کوئٹہ دا دورہ، سدرن کمانڈ ہیڈ کوارٹرز اچ بریفنگ اچ شرکت
مضمون کا ماخذ : کوئٹہ لاٹری
متعلقہ مضامین
