اسلام آباد ۔ 26 دسمبر (اے پی پی) وزیراعظم دی معاون خصوصی برائے تخفیف غربت و سماجی تحفظ ڈاکٹر ثانیہ نشترآکھیے جو بے نظیر انکم سپورٹ پروگرام دی شفافیت برقرار رکھنڑ کیتے 8 لکھ 20 ہزار 165اینجھے لوک خارج کیتے ویندے پین جیرھے مستحق کائنی،کابینہ اتے بورڈ دی منظوری دے بعد اے لوک پروگرام توں کڈھ ڈتے ویسن،انہاں دی جاہ تے حقیقی مستحق پاتے ویسن۔انہاں دصایا جو اینجھے لوک کڈھنڑ نال سالانہ 16 ارب روپے دی بچت تھیسی،نواں ڈیجیٹل سسٹم متعارف کرویسوں جیندے نال اے پروگرام بیا شفاف تھی ویسی اتے مستحقین کوں 100 فیصد ادائیگی بائیو میٹرک نال کیتی ویسی اتے ملک دے 66 اضلاع اچ کفالت پروگرام شروع کریسوں۔ ہک پریس کانفرنس اچ ڈاکٹر ثانیہ نشترااکھیا جو غیر مستحق لوکاں بارے کوئی وی شہری فرانزک آڈٹ کرا سگدے،ایندے کیتے نادرا تعاون کریسی، قومی شناختی کارڈ نمبرنال نادراتوں کہیں وی شہری دا ڈیٹا گھدا ونج سگدے۔انہاں لوکاں دا رہن سہن غریباں آلا نئیں،انہاں لوکاں بیرون ملک سفر وی کیتن، یوٹیلٹی بل وی چیک کیتے گین جیندی تصدیق نادرا کیتی اے،ہنڑ صرف مستحق لوکاں کوں ہی اے حق ملسی،غیر مستحق لوکاں کوں ڈوہزار یارھاں توں پیسے ملدے پئے ہن،سرکاری ملازم بے نظیر انکم سپورٹ پروگرام دا اہل کائنا ہوسی۔
نادرا دے تعاون نال پوری پڑتال توں بعد بی آئی ایس پی توں8 لکھ 20 ہزارلوک کڈھنڑ دا فیصلہ
مضمون کا ماخذ : میگا ملینز لاٹری
متعلقہ مضامین
