ٹیلی سکول دیاں نشریات سویلے اٹھ وجے توں گھن تے شام چھی وجے تئیں چلسن،ایندے نال پہلی توں گھن تے بارھویں جماعت دے طلبہ دا فیدہ تھیسی، وزیراعظم دی معاون خصوصی اطلاعا ت و نشریات ڈاکٹر فردوس عاشق اعوان دا ٹویٹ
اسلام آباد ۔ 14 اپریل (اے پی پی)اطلاعا ت و نشریات بارے وزیراعظم دی معاون خصوصی ڈاکٹر فردوس عاشق اعوان آکھیے جو ٹیلی سکول منصوبہ وزیراعظم عمران خان دے تعلیم کوں ترقی ڈیونڑ کیتے سوچ دا عکاس اے ۔اپنڑے ہک ٹویٹ اچ انہاں ٹیلی سکول منصوبے دی تعریف کریندے آکھیے جو کرونا دی وبا پاروں بالاں دا وڈا تعلیمی حرج تھیندا پئے جیں پاروں وزیراعظم عمران خان دی ہدایت تے انہاں کوں گھر بیٹھے تعلیم ڈیونڑ اتے تعلیمی ضیان تھیونڑ توں بچاونڑ کیتے ”ٹیلی سکول“ منصوبے دی شروعات کیتی گئی اے جیندے نال پہلی توں گھن تے بارھویں جماعت دے طلبہ دا فیدہ تھیسی اتے او گھر بیٹھے لکھ پڑھ سگسن۔انہاںا ٓکھیے جو ٹیلی سکول دیاں نشریات سویلے اٹھ وجے توں گھن تے شام چھی وجے تئیں چلسن۔انہاں دا آکھنڑ ہا جو ایں منصوبے توں او بال وی فیدہ چیسن جیڑھے غربت یا کہیں بئی وجہ توں سکول نئیں ونج سگدے،اتے ایندے نال کورونا دے وبا دے دوران اتے اوندے بعد وی بالاں کوں علم گھنڑ اچ سوکھ ملسی اتے ملک اچ خواندگی ودھاونڑ اچ مدد ملسی۔ڈاکٹر فردوس آکھیا جو ٹیلی سکول دی نشریات سیٹلائٹ اتے اینٹینا تے وی ڈٹھی ونج سگسی اتے ایندے توں دور پریں دے علاقے دے لوک فیدہ چا سگسن۔
ٹیلی سکول منصوبہ وزیراعظم عمران خان دے تعلیم کوں ترقی ڈیونڑ کیتے سوچ دا عکاس اے،ڈاکٹر فردوس عاشق اعوان
مضمون کا ماخذ : اسکریچ کارڈ نمبر
متعلقہ مضامین
