پروگرام دے تحت پر ترائے مہینے بعد بالڑیاں کوں ڈوہزار،بالاں کوں 1500روپے وظیفہ ڈتا ویسی،پہلے مرحلے اچ نو ضلعیاں اچ 33احساس نشوونما مراکز بنڑائے ویسن
خیبر ۔ 13 اگست (اے پی پی) وزیر اعظم احساس نشوونما پروگرام دا منڈھ بدھ ڈتے ۔پروگرام دے تحت پر ترائے مہینے بعد بالڑیاں کوں ڈوہزار،بالاں کوں 1500روپے وظیفہ ڈتا ویسی،پہلے مرحلے اچ نو ضلعیاں اچ 33احساس نشوونما مراکز بنڑائے ویسن۔خمیس کوں وزیراعظم عمران خان ضلع خیبر اچ بنڑے نشو و نما مرکز دا دورہ کیتا جتھاں معاون خصوصی ڈاکٹر ثانیہ نشتر ُ وزیراعظم کو ں پروگرام بارے بریفنگ ڈتی۔ایں موقع تے خیبر پختونخوا دے گونر ر شاہ فرمان ، وزیر اعلیٰ محمود خان، وفاقی وزیر مذہبی امور پیر نور الحق قادری اتے منتخب نمائندے وی موجود ہن۔ ڈاکٹر ثانیہ نشتر وزیراعظم کوں بریفنگ ڈتی جو پاکستان اچ40فیصد بال غذائی گھٹکی دا شکار ہن۔ سٹنٹنگ (نامکمل نشو و نما) دی شرح دے لحاظ نال پاکستان خطے اچ ڈوجھے نمبر تے اے۔ احساس نشوونما پروگرام ملکی تاریخ اچ سٹنٹنگ دے سنگین مسئلے کوں حل کرنڑ دا پہلا حکومتی پروگرام اے۔ایں ترائے سال دے پروگرام دا بجٹ 8ارب52کروڑروپے رکھیا گئے ۔مستحقین کوں صحت بخش غذا دے نال ہر ترائے مہینے بعد وظیفہ وی ڈتا ویسی۔انہاں ضلعیاں اچ خیبر، اپر دیر، باغ ،غدر، حنز، خارمنگ، خاران، بدین اتے راجن پور شامل ہن۔
وزیر اعظم احساس نشوونما پروگرام دا منڈھ بدھ ڈتے
مضمون کا ماخذ : بہت سے نتائج
متعلقہ مضامین
