وفد دی قیادت صدر روٹری انٹرنیشنل ہولگر نیءکریندے پے ہن
ملک اچ پولیو دی اجوکی صورتحال اتے پولیو دے خاتمے سانگے پاکستان ولوں کیتے گئے اقدامات تے تفصیلی گالھ مہاڑ کیتی گئی
اسلام آباد ۔ 5 فروری (اے پی پی) وزیر اعظم عمران خان نال روٹری انٹرنیشنل دے اعلی سطح دے وفدبدھ کوں اتھاں ملاقات کیتی۔وفد دی قیادت صدر روٹری انٹرنیشنل ہولگر نیءکریندے پے ہن۔ملاقات اچ ملک اچ پولیو دی اجوکی صورتحال اتے پولیو دے خاتمے سانگے پاکستان ولوں کیتے گئے اقدامات تے تفصیلی گالھ مہاڑ کیتی گئی ۔معاون خصوصی برائے صحت ڈاکٹر ظفر مرزا وی ملاقات اچ موجود ہن۔معاون خصوصی برائے ہیلتھ ڈاکٹر ظفر مرزاپولیو دے خاتمے سانگے پاکستان ولوں کیتے گئے اقدامات بارے تفصیلی بریفنگ ڈتی۔انہاں آکھیا جو پولیو دے خلاف جاری مہم اچ ہک لکھ توں ودھ سکیورٹی اہلکار اتے ڈھائی لکھ پولیو ورکرز خدمات ڈتن اتے پنج سالیں سالیں توں گھٹ چار کروڑ بالاں کوں پولیو توں بچاونڑ سانگے قطرے پلائے گئن۔وزیراعظم عمران خان وفد نال گالھ مہاڑ کریندیں ہوئیں آکھیا جو پولیو دا خاتمہ حکومت دی پہلی ترجیح اے اتے ایں بارے قوم کٹھی اے،روٹری انٹرنیشنل ددے وفدپولیو دے خاتمے سانگے حکومت دی کوششاں دی تعریف کیتی۔وزیر اعظم’ پولیو دے خلاف حکومت پاکستان نال تعاون کرنڑ آلی بین الاقوامی تنظیماں اتے خصوصی طور روٹری انٹرنیشنل دا شکریہ ادا کریندیں ہوئیں آکھیا جو حکومت پولیو دے خلاف کم کرنڑ آلی ہر تنظیم دی خدمات کوں قدر نال ڈیکھدی اے اتے انہاں دے کم اچ پوری سہولت ڈتی ویسی۔
وزیر اعظم عمران خان نال روٹری انٹرنیشنل دے اعلی سطح دے وفد دی ملاقات
مضمون کا ماخذ : لاٹری آن لائن
متعلقہ مضامین
