اسلام آباد ۔ 27 فروری (اے پی پی)وزیر خارجہ شاہ محمود قریشی دا بیلجیئم دے نائب وزیراعظم و وزیر برائے خارجہ امور ڈیڈیئر رنڈرز نال ٹیلیفون تے رابطہ کیتا۔گالھ مہاڑ اچ خطہ اچ امن و امان دی صورتحال تے گالھ مہاڑ کیتی گئی۔وزیرخارجہ پلوامہ واقعہ دے بعد بھارت دی جارحیت اتے خطہ اچ امن و امان دی وگڑدی ہوئی صورتحال تے تشویش بارے ڈسایا ۔شاہ محمودقریشی آکھیا جو ہندوستان محض سیاسی مقاصد سانگے خطہ اچ امن و امان کوں تہہ و بالا کرنڑ دے درپے اے جڈانجو وزیراعظم عمران خان اج ہک واری ولا ہندوستان کوں امن دا سنھیا ڈیندیں ہوئیں مذاکرات دی دعوت ڈتی۔۔ بیلجیئم دے نائب وزیراعظم اتے وزیر امور خارجہ ڈوہیں ملکاں کوں امن دا رستہ اپنڑاونڑ اتے سارے تنازعے دے حل تے زور ڈتے اتے آکھیا جو بیلجیئم جنوبی ایشیاءاچ کشیدگی گھٹ کرنڑ اچ اپنڑاں کردار نبھیدا رہسی۔
مضمون کا ماخذ : لاٹری کے اعدادوشمار
