اسلام آباد۔2اکتوبر(اے پی پی)د منصوبه بندۍ او پرمختګ وفاقي وزير احسن اقبال وئيلي دي دا وخت د سیاست نه، د سیلاب ځپلو د مرستې دے، عمران خان خپل سیاست بچ كولو له د هېواد ګټو سره لوبې وكړې٬ د روغتون په نامه جمع كړې په اربونو روپۍ يۍ په سياست مصرف كړې ٬ پي ټي آئي د هېلي كاپټر په پېښه هم منفي سياست وكړو٬ فارن فنډنګ كوؤنكو د عمران خان له لارې پاكستان كښې اړې ګړې رامخې ته كول غواړي٬ د نورو پاكستانيانو په څير به عمران خان له هم قانون ته مخامخ كیدل وي۔ د دې خيالاتو څرګندونه ده د اتوار په ورځ په نارووال كښې ميډيا سره خبرو كښې وكړه۔ ده ووئيل د عمران خان هر ډول دروغ او فراډ رامخې ته شوې دې۔ احسن اقبال ووئيل په هېواد كښې د ګرانۍ روانه چپه اولس ته د عمران خان لخوا وركړې شوې ډالۍ ده۔ وفاقی وزیر د عمران خان نه پوښتنه وكړه چې څه وخت مونږ په كال 2018ء كښې حكومت پرېښودلو نو د هېواد پرمختيائي بجت يو زر ارب روپۍ وو او تا د خپل حكومت د وروستي مالي كال په وروستۍ درې مياشتنيزه موده كښې پرمختيائي بجټ جاري نه كړو ٬ كله چې مونږ د روان كال په مهال حكومت ترلاسه كړو نو د هېواد پرمختيائي بجټ 5 سوه اربه روپۍ وو كوم چې د څلورو كلونو نه ورستو بايد 2 زره اربه روپو ته رسول شوې وو۔ ده ووئيل د عمران خان بيانيه خاورو سره يوځائې شوې ده۔ ده ووئيل مونږ د سېلاب ځپليو په څير په اولنو څلورو مياشتو كښې قومي معيشت ريسكيو كړو او اوس د دې بحالۍ ته پام كوؤ۔ ده ووئيل پي ټي آئي د پارليمان ٬ الېكشن كمېشن او د پاك پوځ په شمول د قومي ادارو په ضد رېډ لائن كراس كړې دې۔ ده ووئيل يو داسې سړې كوم چې نه د قانون احترام كوي ٬ نه د پارليمان٬ نه د عدليې او نه د وسله والو ځواكونو ٬ او چاته چې يوازې خپلې ګټې خوښې دي دغسې تن ته پاكستان سپارلې كېدې نه شي۔ د يوې پوښتنې په ځواب كښې ده ووئيل ټاكنې به په خپل ټاكلي وخت او د آئين او قانون له مخې كېږي۔
دا وخت د سیاست نه، د سیلاب ځپلو د مرستې دے، عمران خان خپل سیاست بچ كولو له د هېواد ګټو سره لوبې وكړې٬ د روغتون په نامه جمع كړې په اربونو روپۍ يۍ په سياست مصرف كړې٬ د احسن اقبال ميډيا سره خبرې
مضمون کا ماخذ : لاٹری کی تجزیاتی ایپ
متعلقہ مضامین
