سکھر۔28نومبر(اے پی پی)وفاقی وزیرمنصوبی بندی و ترقی اڳواݨ این سی او سی اسد عمر آکھیے جو کرونا نال لکھاں پاکستانیاں دی زندگیاں کوں خطرہ لاحق اے، حکومت کرونا تے سیاست نئیں کریندی پئی،اساں وݙے جلسے کرسڳدے ہیں بھل اساں این سی او سی دی ہدایات تے عمل کر یندے پیئوں، شادی تقریب کیتے زرداری خاندان کڄھ بندیاں کوں سݙیا اتے جلساں اچ ہزاراں لوکاں کوں سڈیندے پئن، لیڈر بلاول آپ قرنطینہ تھی گئے اتے عوام کوں خطرے اچ پیندے پئن۔ سکھر اچ میڈیانال ڳالھ مہاڑ اتے ورکرز کنونشن نال خطاب اچ اسد عمر آکھیا جو نواز شریف کوں دعوت ݙیندے پیئوں جو پاکستان واپس آ تے مقدمات دا سامݨا کرن، بھڄݨ یا لکݨ نال فائدہ نہ تھیسی، لیکن سݨیا اے جو او واپسی کیتے تیار کائنی۔ اسد عمر آکھیا جو عمران خان چھی لوکاں نال 1996 اچ پارٹی دی بنیاد رکھی، 15 سالاں تئیں پی ٹی آئی دا کوئی رکن اسمبلی اچ نہ ہا، ہݨ عمران خان ساری پارٹیاں کیتے کلہا طاقتور بݨ گئے،اے عمراں خان دی لمبی اتے شاندار جدوجہد دا ثبوت اے، ساری پارٹیاں عمران خان دے خلاف ہن۔
کرونا نال لکھاں پاکستانیاں دی زندگیاں کوں خطرہ لاحق اے، حکومت کرونا تے سیاست نئیںں کریندی پئی، این سی او سی دی ہدایات تے عمل کیتا ویندا پئے، وفاقی وزیر اسد عمردامیڈیا نال خطاب
مضمون کا ماخذ : ہرکیولس اور پیگاسس
متعلقہ مضامین
