اسلام آباد ۔ 26 جون (اے پی پی) وزیر خارجہ مخدوم شاہ محمود قریشی آکھیا جو بھارت دی ہندتوا سوچ اتے جارحانہ پالیسیاں پاروں سارے خطے دے امن کوں خطرہ اے۔اے گالھ انہاں جمعے کوں اتھاں وزارت خارجہ اچ علاقائی سلامتی بارے اجلاس دی صدارت کریندیں ہوئیں آکھی۔اجلاس اچ وزیر اعظم دے معاون خصوصی برائے قومی سلامتی معید یوسف، سیکرٹری خارجہ سہیل محمود، اعلی عسکری حکام اتے وزارت خارجہ دے سینئر افسرشریک تھیے۔اجلاس اچ مقبوضہ جموں تے کشمیر اچ جاری بھارتی جارحیت اتے خطے اچ امن و امان دی اجوکی صورتحال بارے تفصیلی گالھ مہاڑ کیتی گئی۔وزیرخارجہ آکھیاجو بھارت دی ہندتوا سوچ اتے جارحانہ پالیسیاں پاروں سارے خطے دے امن کوں خطرہ اے۔انہاں آکھیا جو بھارت افغانستان اچ امن دی کوششاں کوں سبوتاژ کرنڑ چاہندے۔انہاں آکھیا جو چین نال سرحدی تنازعے اچ زک کھاونڑ دے بعد بھارت اپنڑی ہٹ دھرمی ڈکھیندا پئے ۔اجلاس اچ افغان امن امل سودھے علاقائی سلامتی دے مسئلیاں تے مشورہ کیتا گئیا۔
بھارت دی ہندتوا سوچ اتے جارحانہ پالیسیاں پاروں سارے خطے دے امن کوں خطرہ اے، وزیر خارجہ مخدوم شاہ محمود قریشی دا اجلاس نال خطاب
مضمون کا ماخذ : números quina hoje
متعلقہ مضامین
