اسلام آباد ۔ 19 مارچ(اے پی پی) صدرمملکت ڈاکٹر عارف علوی نینگراں تے زور ڈتے جو او ملک دی مساجی تے اقتصادی ترقی دے مقصد دے حصول کیتے حکومت دیاں کوششاں اچ نال تھیون،بالڑیاں دی تعلیم اچ استاداں دا کردار کلیدی اے ،علم سکھاونڑ صدقہ جاریہ اے ،اپنڑاں تعلیم دا معیار بہتر کرتے دنیا کیتے مثال بنڑ سگدوں ۔انہاں اے گال سنوار کوں اقراءیونیورسٹی دے کانووکیشن نال خطاب کریندیں آکھی۔ صدر مملکت آکھیا جو ملک دی سماجی تے اقتصادی بہتری کیتے کم کرنڑ صرف حکومت دا کم کائنی بلکہ ایں مقصد کوں حاصل کرنڑ کیتے نینگراں دی شرکت بہوں ضروری اے۔ انہاں آکھیا اے نینگر گریجویٹس دا فرض اے جو او م??ک تے معاشرے دی خدمت کرن جنہاں انہاں دی تعلیم اچ اپنڑاں حصہ پاتے ۔انہاں کوں پاکستان دی عوام کوں بھلاونڑاں نئی چاہیدا جیں پاروں او اتھاں پج گئن ۔صدر بالڑیاں دی تعلیم اچ استاداں تے والدین دے کردار کوں اجاگر کریندے ہوئیں آکھیے جو معاشرے دی خذمت کرنڑ آلے قابل قدر ہن ۔انہاں آکھیا وقت دے نال نال استاد دیاں ذمے واریاں ودھدیاں پن ۔انہاں آکھیا موجودہ ڈیجیٹل دور اچ تعلیم اتے علم دا کوئی فقدان کائنی۔ ضرورت ایں امر دی اے جو لوکاں کوں علم تے تحقیق دے جدید ذرائع تئیں رسائی ڈتی ونجے ۔صدر آکھیے جو تعلیم دا شعبہ وقت دے نال نال جدت اختیار کریندا پئے تے علم ہک نہ مکنڑ آلا تے لامحدود سلسلہ اے ۔انہاں آکھیا علم ہک وسیع سمندر اے جیں دے حصول اچ رکنڑ ممکن کائنی۔انہاں آکھیا پاکستان وڈے دل دا مظاہرہ کریندے ہوئیں لکھاں اف??انیاں کوں پناہ ڈتی تے تے تقریبا 35لکھھ اف??ان مہاجراں دی میزبانی کیتی ۔حالی وی اساں 25لکھ اف??انیاں دی میزبانی کریندے پیوں جیرھا جو اساڈی قوم دے اعلیٰ کردار تے اخ??اق?? معیار د?? آئینہ دار اے ۔
نینگرسماجی تے اقتصادی ترقی کیتے حکومتی کوششاں اچ نال تھیون ،صدر مملکت ڈاکٹر عارف علوی دا اقراءیونیورسٹی دے کانووکیشن توں خطاب
مضمون کا ماخذ : میگا ملینز کی پیشن گوئی
متعلقہ مضامین
