اسلام آباد 23 اپرېل (اے پي پي) وزيراعظم محمد شهباز شريف د پاکستان او آسټراليا ترمېنځه په موجوده دوه اړخيزه اړيكو د اطمينان څرګندونه كولو سره وئيلي دي د پاکستان او اسټراليا ترمېنځه د زراعت، لائيو سټاك، کان کنۍ او په نورو څانګو كښې مرسته زياتول غواړو۔ د نهې په ورځ د وزيراعظم آفس ميډيا ونګ لخوا د جاري بيان له مخې وزيراعظم محمد شهباز شريف سره پاکستان كښې د آسټراليا هائي كمشنر نيل هاكنز ليدلي۔ په دې موقع وزيراعظم هائي كمشنر سره په خبرو كښې ده ووئيل دواړهېوادونه د دوستۍ په زړه پورې اړيكې لري٬ د پاکستان او اسټراليا ترمېنځه د زراعت، لائيو سټاك، کان کنۍ او په نورو څانګو كښې مرسته زياتول غواړو٬ ده د اسټراليا كمپنو او پوهانو ته هم بلنه وركړه چې ھغوي د پاكستان كمپنو سره د خپلې پوهې تبادله وكړي۔ وزيراعظم په آسټراليا كښې د مېشته پاكستانيانو په خاص توګه د زده كوٶنكو د ګن شمېر په خاص توګه ذكر وكړو۔ دغسې د آسټراليا هائي کمشنر پاکستان سره د اړيكو لا قوي كولو خوښي هم څرګنده كړه او په دې لړ كښې ئې د هر ډول ممكنه مرسته باور هم وركړو۔ ده په دې موقع وزيراعظم د آسټراليا دفاعي چارواكو د پاكستان دورو پشمول د آئنده دوه اړخيزه مصروفياتو په اړه خبر كړو۔ هائي کمشنر د وزيراعظم لخوا د رامخې ته كړو ترجيحي څانګو پشمول د لوبو٬ په خاص توګه د كركټ او هاكۍ او په كلتوري څانګه كښ د مرستې په قوي كولو كښې هم خوښي څرګنده وكړه۔ هائي کمشنر د پاکستاني سکيورټي ګارډز د مړانې د هلو ځلو هم ستائنه وكړه چا چې په سډني كښې د بريد په مهال يو شمېر كسان بچ كړي٬ په دې بريد كښې د پاكستان يو سکيورټي ګارډ پحق رسېدلے او بل ژوبل شوے ٶ٬ په دغه بريد كښې پنځه مېرمنې مړې شوې وې۔
د پاکستان او اسټراليا ترمېنځه د زراعت، لائيو سټاك، کان کنۍ او په نورو څانګو كښې مرسته زياتول غواړو۔ د وزيراعظم محمد شهباز شريف د آسټراليا هائي کمشنر سره ملاقات كښې خبرې
مضمون کا ماخذ : اسٹریٹیجیا لاٹوفاسیل
متعلقہ مضامین
