پېښور 28مارچ(اے پی پی)د خېبرپښتونخوا وزيراعلٰی علي امين ګنډا پور سره د زيارت په ورځ د كورنيو چارو وفاقي وزير محسن نقوي د پېښور دورې په مهال په وزيراعلٰی هاؤس پېښور كښې ملاقات وكړو ۔په ملاقات كښې صوبه كښې د امن او امان چارو په اړه تفصيلي د خيالاتو څرګندونه وكړه او د امن او امان صورتحال ښه والي لپاره ئې په وفاقي او صوبائي كچه د قانون نافذ كوونكو ادارو ترمينځه د كوآرډينېشن په ښه والي اتفاق وكړو ۔په ملاقات كښې تېره ورځ بشام كښې په چينائي وګړو د بريد غندنه كولو سره دواړو لارښودو د چين حكومت او مړو شوو كورنيو سره د يو والي څرګندونه وكړه او په پېښه كښې ككړ عناصر بخپل انجام ته رسولو او د ترهه ګرۍ خاتمې عزم ئې څرګند كړو ۔وفاقي وزير ووئيل په چينائي وګړو بريد كونكې عناصر د سختې سزا څخه بچ كېدې نه شي۔هېواد دښمنه عناصر د بزدلانه كاروائيو څخه د پاكستاني قام عزم ته ماتې نشي وركولې ٬ په پوره طاقت سره به هېواد دښمنو ته ځواب وركولې شي۔ده ووئيل د ترهه ګرۍ په ضد جنګ د پاكستان د بقاﺀ جنګ دے٬خېبرپښتونخوا سره به هر ممكنه مرسته كولې شي۔د كورنيو چارو وفاقي وزير محسن نقوي د ترهه ګرۍ مخ نيوي لپاره د موثر كوآرډينېشن هدايت هم وكړو ۔وزيراعلٰی په دې موقع په خبرو كښې ووئيل د امن او امان ښه والې ته صوبائي حكومت پام لرنه كوي او دې مقصد لپاره په صوبه كښې پوليس او نورو قانون نافذ كوونكې ادارې قوي كولې شي۔ده ووئيل د اولس د ځان او مال تحفظ باوري كول وړومبې ترجيح ده او په دې به كومه سمجهوته ونه كړي شي ۔علي امين ګنډا پور ښكاره كړه چې د صوبې څخه د ترهه ګرۍ خاتمې او امن او امان بحالۍ او بهترۍ لپاره به د يوې كوټلې حكمت عملۍ له مخې اقدامات كولې شي۔خېبرپښتونخوا د ترهه ګرۍ په ضد جنګ كښې فرنټ لائن صوبه ده كومه چې د ترههګرۍ څخه تر ټولو زياته ځپلې شوې۔
د خېبرپښتونخوا وزيراعلٰی علي امين ګنډا پور سره د كورنيو چارو وفاقي وزير محسن نقوي ملاقات ٬د امن او امان په چارو تفصيلي خبرې
مضمون کا ماخذ : como jogar lotomania
متعلقہ مضامین
