اسلام آباد ۔ 26 اگست (اے پی پی) وفاقی وزیر مذہبی امور پیر نور الحق قادری نال پاکستان اچ سعودی عرب دے سفیر نواف سعید المالکی ملاقات کیتی اتے مختلف معاملیاں تے الوایا۔انہاں پاک سعودی تعلقات،علاقائی سلامتی سودھا حرمین شریرفین دی حفاظت سانگے کٹھیاں کوششاں جاری رکھنڑ تے اتفاق کیتا۔وفاقی وزیر خادم الحرمین الشریفین دی تیکھے صحت یابی دی دعا کیتی اتے اوکھ دے باوجودحج دے انتظامات کراونڑ تے شکریہ دا کیتا۔سعودی سفیر نواف سعید المالکی آکھیا جو آندے ڈینھاں اچ پاک سعودی تعلقات بئے تکڑے تھیسن،خادم الحرمین الشریفین پاکستان کوں اپنڑاڈوجھا گھر سمجھدن اتے سعودی ولی عہد محمد بن سلمان وی سعودی عرب اچ آپ کوں پاکستان دا سفیر گنڑدن،عمرہ زائرین کیتے ضابطہ اخلاق اتے احتیاطی تدابیرتوں بعد تیکھے عمرہ شروع کیتا ویسی۔
مضمون کا ماخذ : اسکریچ کارڈ جیتنے کے طریقے
