اسلام آباد ۔ 27 جولائی (اے پی پی) وزیراعظم عمران خان ہک بیا وعدہ پورا کریندے ہوئے شوگر کمیشن رپورٹ دی بنیاد تے ایف بی آر، نیب، ایس ای سی پی اتے ایف آئی اے کوں تحقیقات دا حکم ڈتے اتے ایں سانگے گورنر سٹیٹ بینک، مسابقتی کمیشن اتے ترایے صوبیاں کوں خط لکھ ڈتے گین۔ہک بیان اچ آکھیا گئے جو وزیراعظم شوگر مافیا دے خلاف کریک ڈاﺅن داوڈا فیصلہ کیتے، کرپٹ عناصر کوں منطقی انجام تئیں پہچایا ویسی،جیکر حکمران خودکرپشن اچ ملوث نہ ہوون تاں کرپٹ عناصر معاشرے اچ اگو تے نئیں ودھ سگدے۔ایں سانگے وزیراعظم دی ہدایت تے کارروائی کیتے مشیر برائے احتساب و داخلہ بیرسٹر شہزاد اکبر متعلقہ اداریاں کوں خط لکھ ڈتن جیندے نال شوگر کمیشن رپورٹ وی بھیجی گئی اے،ایندے تے 90 ڈینھ اچ عمل درآمد رپورٹ پیش کرنڑ دی ہدایت کیتی گئی اے،ایف بی آرساریاں شوگر ملاں دا آڈٹ اتے شوگر ملز دی بے نامی ٹرانزیکشنز دی تحقیقات کریسی۔نیب کوں وی شوگر ملز اتے مالکان دے مالی معاملات دی تحقیقات اتے ذمہداران دے تعین دا آکھیا گئے۔سٹیٹ بینک کھنڈ ذخائر دے غلط استعمال اتے مشکوک برآمدات دی تحقیقات کریسی جڈاں جو شوگر ملز کوں سبسڈی دے باوجود گنے دے کاشتکاراں کوں گھٹ ادائیگی دی تحقیقات کریسی اتے جامع رپورٹ ڈیسی۔ایف آئی اے اتے ایس ای سی پی کارپوریٹ فراڈ دی تحقیقات کر یسن جداں جو شوگرمافیا دے خلاف اقدامات اچ دیر کرنڑ تے مسابقتی کمیشن توں ولدا منگیا گئے۔
شوگرا مایف دے خلاف سخت کارروائی دا فیصلہ،شوگر کمیشن رپورٹ دی بنیاد تے ایف بی آر، نیب، ایس ای سی پی اتے ایف آئی اے کوں تحقیقات دا حکم،مسابقتی کمیشن ، سٹیٹ بینک اتے بئے اداریاں کوں خط بھیج ڈتے گین
مضمون کا ماخذ : کینڈی کیش
متعلقہ مضامین
