اسلام آباد ۔ 8 مئی (اے پی پی) نیشنل کمانڈ اینڈ آپریشن سینٹر کورونا وائرس متعلق تازہ ترین اپ ڈیٹ جاری کرڈتن۔ ملک اچ کورونا دے ایکٹوکیسز دی تعداد 17713، تصدیق شدہ کیسز دی تعداد وی 25837تئیں پج گئی اے ، گزریل 24 گھنٹے اچ 1764نویں کیسز رپورٹ تھئن ،35مزید اموات نال مجموعی اموات594 تھی گئیاں ۔این سی او سی دے مطابق پنجاب اچ کورونا وائرس کیسز دی تعداد ساریں توں ودھ 10ہزار33 تئیں پج گئی اے ، سندھ اچ9ہزار93 کورونا وائرس کیسز رپورٹ تھئن ، خیبر پختونخواہ اچ 3956اتے اسلام آباد اچ 558ہن ، بلوچستان اچ 1725, گلگت بلتستان اچ394کیسز رپورٹ تھئن ، آزاد کشمیر اچ کورونا وائرس کیسز دی تعداد 78تھی گئی اے مُلک اچ ہنڑ تئیں 7530مریض مکمل طور تے صحتیاب تھئن ۔ این سی او پی مطابق کورونا وائرس نال موت دے منہ اچ ونجنڑ آلے لوکاں دی تعداد 594 تئیں پج گئی اے ۔
مضمون کا ماخذ : مصری ڈریمز ڈیلکس
