پورے ملک دے جید علماءکرام اتے مشائخ عظام وزیراعظم کوں پورے تعاون دا یقین ڈوائے،حکومت علماءکام دے مشورے نال آندے جمعے کوں یوم رحمت دے طور مناونڑ دا فیصلہ کیتے،وزیراعظم علماءکرام کوں آکھے جو کوروناوائرس دے وباءتے قابو پاونڑ سانگے ایں بارے ایس او پیز تے سختی نال عمل کیتا ونجے،
اسلام آباد ۔ 20 اپریل (اے پی پی) وفاقی وزیر مذہبی امور پیر نور الحق قادری آکھیا جو پورے ملک دے جید علماءکرام اتے مشائخ عظام وزیراعظم کوں پورے تعاون دا یقین ڈوائے،حکومت علماءکام دے مشورے نال آندے جمعے کوں یوم رحمت دے طور مناونڑ دا فیصلہ کیتے،وزیراعظم علماءکرام کوں آکھے جو کوروناوائرس دے وباءتے قابو پاونڑ سانگے ایں بارے ایس او پیز تے سختی نال عمل کیتا ونجے۔سنوار کوں وزیر اعظم نال علماءکرام دی ملاقات دے بعد میڈیا کوں بریفنگڈیندیں ہوئیں انہاں آکھیا جو علماءکرام دا ایں صورتحال اچ بہوں اہم کردار اے ،ایں سانگے اساں علماءکرام نال رابطے اچ ہیسے۔وزیراعظم دی علماءنال ملاقات دی خواہش ہئی اتے علماءکرام وی وزیراعظم نال ملاقات دی خواہش کیتی ہئی ۔انہاں آکھیا جو وزیراعظم علماءکرام کوں آکھیے جو کورونا وائرس دی وباءدی صورتحال اچ مسیتاں کھولنڑ دا حکومت اوکھا فیصلہ کیتے۔وزیراعظم علماءکرام کوں آکھے جو 20نکاتی لائحہ عمل تے سختی نال عمل کیتا ونجے اتے ایں صورتحال اچ علماءاتے مسیتاں تے کوئی گالھ نہ آوے۔انہاں آکھیا جو آندے جمعے کوں یوم رحمت دے طور مناونڑ دا فیصلہ کیتا گئے ۔انہاں آکھیا جو ایں صورتحال اچ اساں اللہ آلے پاسے رجوع کرنڑے۔وزیراعظم عمران خان علماءکرام توں درخواست کیتی جو کوروناوائرس دی وباءتوں نجات سانگے خصوصی دعائیں کیتی ونجن۔
وفاقی وزیر مذہبی امور پیر نور الحق قادری دی وزیر اعظم نال علماءکرام دی ملاقات دے بعد میڈیا کوں بریفنگ
مضمون کا ماخذ : apostas lotomania
متعلقہ مضامین
