اسلام آباد ۔ 24 ستمبر (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق آکھیے جو وزیراعظم عمران خان موثر تے باوقار انداز اچ مظلوم کشمیریاں دا مقدمہ اقوام عالم دے سامنڑے پیش کریندے پن ‘ مختلف ملکاں دے سربراہان نال ملاقاتاں دا محور جھیڑا کشمیر تے ایندی موجودہ سنگین صورت حال ہئی ، 80 لکھ کشمیری مقبوضہ وادی اچ محصور ہن ، عمران خان دنیا کوں ڈسائے جو مقبوضہ جموں کشمیر اچ انسانی بحران جنم گھن سگدے جیں نال امن عالم شدید خطرات لاحق ہن ۔ منگل کوں اپنڑے ٹویٹ اچ وزیراعظم دی معاون خصوصی ڈاکٹر فردوس عاشق اعوان آکھیا جو وادی جنت نظیر اچ مظلوم عوام تے زندگی تنگ، گلیاں ویران اتے کوچہ و بازار سنسان پن ۔انہاں آکھیے جو امریکی صدر ڈونلڈ ٹرمپ نال ملاقات اچ وزیراعظم مقبوضہ جموں کشمیر اچ کرفیو ختم کراونڑ تے زور ڈتے صدر ٹرمپ دا بیان”وزیراعظم عمران خان اتے پاکستان تے اعتماد اے “ اتے خطے اچ قیام امن کیتے ایران نال گال کرنڑ دا مینڈیٹ عمران خان دی قائدانہ صلاحیتاں تے دنیا دے پاکستان تے ودھدے اعتماددا اعتراف اے۔انہاں آکھیے جو وزیراعظم بئے ملکاں دے سربراہیں ، برطانیہ دے وزیراعظم بورس جانسن، ترکی دے صدر طیب اردوان، ایران دے صدر حسن روحانی اتے سوئٹزرلینڈ دے صدر اولی میور نال ملاقاتاں اچ ڈو پاسے تعلقات دی مضبوطی، سانجھے تعاون دے ودھارے دی اہمیت تے زور ڈتے مقبوضہ کشمیر اچ انسانی حقوق دیاں خلاف ورزیاں دا ڈسائے ۔ عمران خان دنیا تے واضح کیتے جو علاقائی امن و سلامتی کیتے مسئلہ کشمیر دا حل ناگزیر اے ۔
وزیراعظم عمران خان موثر تے باوقار انداز نال مظلوم کشمیریاں دا مقدمہ اقوام عالم دے سامنڑے پیش کریندے پن ،ڈاکٹر فردوس عاشق دا ٹویٹ
مضمون کا ماخذ : اسکریچ کارڈ پاکستان
متعلقہ مضامین
