سپیکر قومی اسمبلی اسد قیصر، وفاقی وزیر نور الحق قادری اتے وزیر مملکت شہریار آفریدی دا پریس کانفرنس نال خطاب

باہرلے ملک رہنڑ آلے پاکستانی استقامت ،حوصلے اتے صبر نال کم گھنن،حکومت انہاں کوں وطن واپسی گھن آونڑ دا جو تھی سگدے کریندی پئی اے،کورونا دی وباءاللہ دے پاسوں امتحان اے ،او حکومت نال تعاون کرن،کوروناوائرس دی صورتحال اچ عالمی سطح تے بنڑائے گئے ایس او پیز کوں ڈیکھدیں ہوئیں پارلیمنٹ بھرپور اتے موثر انداز اچ اپنڑاںکردار نبھیدی پئی
اسلام آباد ۔ 13 اپریل (اے پی پی) کورونا تے بنڑی پارلیمانی کمیٹی باہرلے ملک پاکستانیاں کوں آکھے جو باہرلے ملک رہنڑ آلے پاکستانی استقامت ،حوصلے اتے صبر نال کم گھنن،حکومت انہاں کوں وطن واپسی گھن آونڑ دا جو تھی سگدے کریندی پئی اے،کورونا دی وباءاللہ ولوں امتحان اے ،او حکومت نال تعاون کرن،کوروناوائرس دی صورتحال اچ عالمی سطح تے بنڑائے گئے ایس او پیز کوں ڈیکھدیں ہوئیں پارلیمنٹ بھرپور اتے موثر انداز اچ اپنڑاںکردار نبھیدی پئی اے۔ وفاقی وزیر مذہبی امور نور الحق قادری دا آکھنڑ ہئی جو چاریں صوبے،گلگت بلتستان اتے آزاد کشمیر دے علماءکرام نال ضلعی سطح تے مشورے نال رمضان المبارک اتے مسیتاں بارے جیڑھی پالیسی بنڑسی اور پورے ملک سانگے ہوسی، مولانا فضل الرحمن ، سراج الحق، ساجد نقوی سمیت بئے مسالک دے علماءکرام اتے قیادت نال رل کراہیں پالیسی کوں چھیکڑی شکل ڈیسوں۔سنوار کوں پارلیمنٹ ہاﺅس اچ کورونا تے بنڑی پارلیمانی کمیٹی دے اجلاس دے بعد سپیکر قومی اسمبلی اسد قیصر، وفاقی وزیر نور الحق قادری اتے وزیر مملکت شہریار آفریدی دا پریس کانفرنس نال خطاب کریندیں ہوئیں سپیکر قومی اسمبلی آکھی اجو کورونا دا پوری دنیا کوں سامنڑاں اے،پوری دنیا دی معیشت اتے سٹاک ایکسچینجز بہہ گئی اے ،اے اللہ ولوں امتحان اے۔انہاں آکھیا جو ڈو پارلیمانی کمیٹیاں بنڑایاں گئن اتے ترائے اجلاس تھی گئن،سارے حکومتی اقدامات بارے کمیٹی کوں بریفنگ ڈتی گئی اے،ملک دے سارے طبقے متاثر تھیندے پئن،مذہبی طبقہ وی متاثر تھیے۔پہلے زائرین ولا تبلیغی جماعت دے لوک متاثر تھین۔اساں ایں بارے ساری متعلقہ وزارتاں کوں سڈ کراہیں بریفنگ ڈتی اے۔ تبلیغی جماعت تے کمیٹی شہریار آفریدی دی سربراہی اچ بنڑائی گئی اے،ایں کمیٹی اچ سارے صوبے دے وزرائے اعلیٰ توں رائے گھدی گئی اے اتے ساری متعلقہ وزارتاں توں وی رائے گھدی گئی اے۔ وزیر خارجہ شاہ محمود قریشی آکھیا جو او باہرلے ملک رہنڑ آلے پاکستانیاں بارے سرکاری چینلز دے ذریعے موثر اقدامات کرن۔انہاں آکھیا جو سارے باہر رہنڑ آلے پاکستانی صبر تے حوصلہ کرنڑ اتے اساں انہاں کوں وطن واپسی گھن آونڑ سانگے ہرممکن اقدامات کریندے پیوں۔