اسلام آباد۔6فروری (اے پی پی):وزیرِ اعظم عمران خان آکھیے جو ملک دا مستقبل تعلیم دے ودھارے نال جڑیا ہویا اے، وݙیاں کلاساں دے نصاب اچ سیرت النبی ﷺ دے مضمون کوں رلاوݨ دا مقصد طلبا کوں اسلامی شعار توں روشناس کراوݨ اے ۔تکنیکی و فنی تعلیم دے اداریں اچ ݙتی ونڄݨ آلی تریبت کوں مارکیٹ دی لوڑھ دے مطابق یقینی بݨایا ونڄے اتے تعلیمی اداریں تے مارکیٹ وچال تعلق کوں مضبوط کرݨ تے خصوصی توجہ ݙتی ونڄے ۔اے ڳالھ انہاں ہفتے کوں نالج اکانومی دے ودھارے دے حوالے نال اجلاس دی صدارت کریندے ہوئیں آکھی اے ۔اجلاس اچ وزیرِ تعلیم شفقت محمود، سیکرٹری منصوبہ بندی، سیکرٹری تعلیم ، ڈاکٹر عطا الرحمن، پروفیسر شعیب خان، پروفیسر ناصر خان و سینئر افسران شرکت کیتی ۔اجلاس دے دوران ملک اچ نالج اکانومی دے ودھارے دے حواےل نال مختلف منصوبیں دی پیشرفت دا جائزہ ڳھدا ڳیا ۔وزیرِ تعلیم شفقت محمود وزیرِ اعظم کوں تعلیم دے ودھارے دے حوالے نال مختلف منصوبیں تے اقدامات اچ پیش رفت بارے ݙسایا ۔ ڈاکٹر عطاء الرحمن ولوں ملک اچ آرٹیفیشل انٹیلی جنس، بائیو ٹیکنالوجی تے بئے جدید علوم دے ودھارے دے حوالے نال مختلف تجویزاں پیش کتیاں ڳئیاں ۔وزیرِ اعظم اجلاس توں خطاب کریندے ہوئیں آکھیے جو ملک دا مستقبل تعلیم دے ودھارے نال جڑیا ہویا اے ۔ وزیرِ اعظم آکھیے جو ملک دی آبادی دا وݙا حصہ نینگراں تے مشتمل اے ۔ انہاں نینگراں دیاں صلاحیتاں توں اوں ویلھے ہی فیدہ چاتا ونڄ سڳدے جݙاں اے نینگر جدید تعلیم حاصل کریسن
