کابل۔19نومبر(اے پی پی)وزیرا عظم عمران خان آکھیے جو پاکستان افغانستان اچ امن دے قیام اتے تشدد مکاوݨ کیتے افغانستان دی توقع توں ودھ تے کردارادا کریسی، امن و روابط دے ودھارے نال اقتصادی ترقی تھیسی، معاشی سرگرمیاں ودھݨ نال سرحد دے ݙوہاں پاسو عوام دا جیوݨ سوکھا تھیسی۔ اے ڳالھ انہاں افغان صدر اشرف غنی دے کٹھے کابل اچ صدارتی محل اچ ملݨ توں بعد مشترکہ پریس کانفرنس اچ آکھی۔ وزیر اعظم عمران خان آکھیے جو ݙوہاں ملکاں دے تاریخی تعلقات ہین، پاکستان دی حکومت اتے عوام افغانستان اچ امن چاہندن، پاکستان ہمیشہ افغانستان اچ امن کیتے چنڳاں کردار ادا کیتے، اڳو تے وی اساں ودھ تے ہر ممکن ہتھ ونݙیسوں۔ انہاں آکھیے جو پاکستان دا مستقبل افغانستان اچ امن نال جڑیا ہوئے، ساݙے قبائیلی علاقے وی افغانستان آلی کار دہشت گردی دے خلاف جنگ نال ودھ متاثر تھین، امن نال انہاں سارے علاقیاں دا ہکو سواں فیدہ تھیسی، معاشی سرگرمیاں اتے اقتصادی ترقی تھیسی۔ افغان صدر اشرف غنی آکھیا جو علاقائی ترقی کیتے پاک افغان ڳانݙھا ٻہوں اہم ہین، علاقائی روابط اتے معاشی ترقی سافے فیدے دی ڳالھ اے۔ انہاں آکھیا جو رسول پاک ﷺ دی حرمت ہر مسلمان دے ایمان دا حصہ اتے سارے مسلماناں دا مسئلہ اے، اساں اپݨے مذہب، روایات، تہذیب و تمدن اتے ناموس رسالتﷺ دا مذاق اݙاوݨ دی اجازت نسے ݙے سڳدے، امن اتے تشدد مکاوݨ کیتے جنگ بندی چاہندے ہیں تاں جو مثبت سیاسی عمل اڳو تے ودھے۔ افغان صدر آکھیا جو میں تیکھے پاکستان دا دورہ کریساں۔
پاکستان افغانستان اچ امن دے قیام اتے تشدد مکاوݨ کیتے افغانستان دی توقع توں ودھ تے کردارادا کریسی، امن و روابط دے ودھارے نال اقتصادی ترقی تھیسی، وزیرا عظم عمران خان
مضمون کا ماخذ : فنکی پھل
متعلقہ مضامین
