اسلام آباد ۔ 16 ستمبر (اے پی پی) چیئرمین سینیٹ صادق سنجرانی 6 ستمبر کوں مختلف شعبیں وچ نمایاں خدمات سر انجام ڈیونڑ آلی شخصیات کوں ایوارڈ ڈیونڑ دا معاملہ سینیٹ دی متعلقہ کمیٹی کوں بھجواڈتے ،بدھ کوں سینیٹ دے اجلاس اچ گال کریندے ہوئیں سینیٹر مشاہد اللہ خان آکھیے جو 6 ستمبر کوں جاوید آفریدی اتے مہوش حیات سودھے کئی شخصیات کوں ایوارڈ ڈتے گئن ، جاوید آفریدی پشاور زلمی دے مالک ہن ، ڈسایا ونجے انہاں کوں ایوارڈ کیرھی بنیاد تے ڈتا گئے ، اگر کرکٹ اچ خدمات دی بنا تے جاوید آفریدی کوں تمغہ ڈتا گئے تاں لاہور قلندر دے مالک کوں کیوں نی ڈتا گیا ۔ چیئرمین معاملہ کمیٹی کوں بھجویندے ہوئیں ہدایت کیتی جو کمیٹی ایں تے آپنڑی رپورٹ پیش کرے ۔ وزیراعظم دے مشیر ڈاکٹر بابر اعوان آکھیا جو پاکستان کرکٹ کوں ترس گیا ہئی اگر ایں سلسلے اچ کہیں خدمات سر انجام ڈتن تاں انہاں کوں ایوارڈ ڈیونڑ اچ کوئی مضائقہ کائنی ،، اٹھارویں ترمیم کیتے خدمات سر انجام ڈیونڑ آلیں کوں وی ایوارڈ ڈتے گئے ہن اے معاملہ کمیٹی وچ ونجنڑ چنگی گال اے ۔ چیئرمین آکھیا اے معاملہ کمیٹی کوں پٹھ ڈتے اتھاں ارکان ایں تے گال کرسگدن ۔
چیئرمین سینیٹ چنگی خدمات سر انجام ڈیونڑ آلی شخصیات کوں ایوارڈز ڈیونڑ ا معاملہ متعلقہ کمیٹی کوں بھجوا ڈتا
مضمون کا ماخذ : میگا ملینز کے فاتحین
متعلقہ مضامین
