اسلام آباد ۔ 19 اپریل (اے پی پی) وزارت قانون انسداد سمگلنگ بارے آرڈیننس وزیراعظم عمران خان کوں بھجوا ڈتے۔اے گالھ وزیر قانون بیرسٹر فروغ نسیم اسلام آباد اچ پارلیمانی سیکرٹری قانون بیرسٹر ملائکہ بخاری دے رلے پریس کانفرنس کریندے آکھی۔ انہاں آکھیا جو انسداد سمگلنگ بارے آرڈیننس وزیراعظم عمران خان کوں بھجوا ڈتا گئے،اٹا،کھنڈ، آلو، دالاں، وصل،لائیو سٹاک، خوردنی تیل سمگلنگ دے دائرہ کار اچ آسن،سونا ،غیر ملکی کرنسی دی غیر قانونی ترسیل وی اسمگلنگ گنڑیسی۔ انہاں آکھیے جو آرڈیننس دے مطابق غیر اعلانیہ رستیاں توں انہاں شئیں دی ترسیل سمگلنگ قرارڈتی گئی اے،اسسٹنٹ کلکٹر افسر اتے فیڈرل بورڈ آف ریونیو (ایف بی آر) دے علاوہ کسٹم اتے انٹیلی جنس ایجنسیاں کوں وی آرڈیننس دے نفاذ دا اختیار ڈتا گئے۔آرڈیننس دے مطابق ضلعی انتظامیہ دی شکایت تے ایکشن نہ گھنڑ آلے کسٹم افسر دے خلاف سیکرٹری قانون کارروائی کرسگسن، سمگلر وارنٹ دے بغیر گرفتارکیتے ونج سگسن، سمگلنگ دی اطلاع ڈیونڑ آلے کوں ضبط مال دا ڈاہ فیصد انعام ملسی۔
وزارت قانون انسداد سمگلنگ بارے آرڈیننس وزیراعظم عمران خان کوں بھجوا ڈتے
مضمون کا ماخذ : prêmios dupla sena
متعلقہ مضامین
