نائب وزیراعظم اور وزیر خارجہ سینیٹر اسحٰق ڈار ترقی پذیر 8 ممالک (ڈی 8) کے 19 دسمبر 2024 کو منعقد ہونے والے 11ویں سربراہی اجل??س میں شرکت کے لیے مصر کے دارالحکومت قاہرہ پہنچ گئے۔
ترجمان دفتر خارجہ ممتاز زہرا بلوچ کی جانب سے جاری بیان میں کہا گیا کہ قاہرہ کے بین الاقوامی ہوائی اڈے پر وزیر خارجہ کا استقبال پاکستانی سفارت کاروں ڈاکٹر رضا شاہد اور ایڈیشنل سیکریٹری سفیر احمد امجد علی نے کیا، مصری ایم ایف اے کے نمائندے بھی ایئرپورٹ پر موجود تھے۔
قبل ازی?? دفتر خارجہ نے کہا تھا کہ سینیٹر اسحٰق ڈار مصر کے دارالحکومت قاہرہ ترقی پذیر 8 ممالک (ڈی 8) کی سربراہی کانفرنس میں شرکت کریں گے، اس کے علاوہ نائب وزیر اعظم آج باکو میں منعقد ہونے والی ایشیا میں اعتماد سازی کے اقدامات (سی آئی سی اے) کے حوالے سے کانفرنس میں قاہرہ سے ہی ویڈیو لنک کے ذریعے شرکت کریں گے۔
ترجمان دفتر خارجہ کے مطابق ??س موقع پر وزیر خارجہ کی قاہرہ میں موجود دیگر ممالک کے اپنے ہم منصبوں کے ساتھ دو طرفہ ملاقاتیں بھی متوقع ہیں۔
