اسلام آباد – 05 فيبروري (اي پي پي) آزادي ڪشمير تحريڪ جي حوالي سان مظفرآباد ۾ خصوصي ڄمون ۽ ڪشمير موومينٽ تعمير ڪيو ويو آهي. صدر ڊاڪٽر عارف علوي آزاد ڪشمير جي گادي واري شهر ۾ يادگار شهداءِ جو افتتاح ڪيو. ڪشمير سان يڪجهتي جي ڏهاڙي جي موقعي تي يادگار شهداءِ جي افتتاحي تقريب جو خاص مهمان صدر ڊاڪٽر عارف علوي هو جڏهن ته تقريب ۾ چيف آف آرمي اسٽاف جنرل قمر جاويد باجوه، آزاد ڪشمير جي صدر بئريسٽر سلطان محمود چوڌري، وزيراعظم سردار عبدالقيوم نيازي، پارلياماني ڪشمير ڪميٽي جي چيئرمين شهريار خان آفريدي، اپوزيشن اڳواڻ ۽ آزاد ڪشمير جي اڳوڻن وزيراعظمن سردار عتيق احمد خان، سردار يعقوب خان، پاڪستان پيپلزپارٽي جي صدر چوڌري لطيف اڪبر سميت وفاقي وزيرن ۽ زندگي جي مختلف شعبن سان تعلق رکندڙ اهم شخصيتن شرڪت ڪئي. يادگار تي ڪشمير شهداءِ جا نالا لکيل آهن ۽ شهيدن جي قربانين کي بهتر انداز ۾ اجاگر ڪيو ويو آهي، يادگار شهداءِ تحريڪ آزادي ڪشمير جي جانين جا نذرانا پيش ڪندڙن کي خراج عقيدت پيش ڪرڻ جي لاءِ تعمير ڪئي وئي آهي، يادگار جي ڀرپاسي گيلري ۾ والاريل ڪشمير جي حالتن جي عڪاسي ڪئي وئي آهي. ان موقعي تي تقريب ۾ ڪشميري لوڪ گيت پڻ پيش ڪيا ويا. ان موقعي تي صدر کي يادگار شهداءِ جي حوالي سان بريفنگ ڏيندي ٻڌايو ويو ته ڀارتي جارحيت ۽ والاريل ڪشمير ۾ جاري گهيراءُ کي اڄ 915 ڏينهن ٿي چڪا آهن. آزادي ڪشمير تحريڪ جي حوالي سان مظفرآباد ۾ هڪ خصوصي ڄمون ۽ ڪشمير موومينٽ ٺاهيو ويو آهي. اهو موومينٽ ڪشميرين جي لازوال آزادي جي جدوجهد ۽ قربانين جو استعاره آهي. ان موومينٽ کي محمد فاروق ڊيزائن ڪيو آهي جنهن جو تعلق وزيرستان سان آهي، هي موومينٽ تلوچي پارڪ مظفرآباد ڪوهالا روڊ تي آهي.
صدر عارف علوي پاران آزاد ڪشمير جي گادي واري شهر ۾ يادگار شهداءِ جو افتتاح
مضمون کا ماخذ : لاٹری کے لائیو نتائج
متعلقہ مضامین
