اسلام آباد ۔ 7 اکتوبر (اے پی پی) وزیر ا??ظم عمران خان مستحق، نادار ا??ے کمزور طبقات کوں سہولتاں دی فراہمی دے عزم دااظہار کریندے ہوئیں آکھیے جو نواں ??اک??تان ہک فلاحی ریاست دا قیام ہوسی ، تلویں طبقے کوں چاونڑ کیتے ہر ممکن اقدامات کریسوں ۔امیراں توں ٹیکس وصول کرتے غریباں تے خرچ کریسوں ۔اے گال انہاں سنوار کوں اتھاں احساس سیلانی لنگر خانہ سکیم دا افتتاح کریندے ہوئیں آکھی اے ۔ وزیر ا??ظم عمران خان آکھیے جو سیلانی ٹرسٹ کوں اے نیک کم شروع کرنڑ تے مبارخ ڈینداں ،خوش قسمت لوک ا??لہ سے نیک کماں دے پاسے راغب تھیندن ،اللہ سئیں نیک کم کرنڑ آلیں دے دل اچ سکون پیدا کریندے ۔انہاں آکھیے جو میں جڈاںکینسر ہسپتال شروع کیتا تاں بہوں خوش قسمت لوکاں نال ملاقات تھئی ۔ وزیر ا??ظم آکھیا جو غریب تے نادار لوکاں دی خدمت کرنڑ ساریں توں وڈی نیکی اے ،احساس ??اک??تان دی تاریخ دا غربت مکاونر دا ساریں توں وڈا پروگرام اے ۔ایں پروگرام نال نینگر تے تریمتاں کوں روزگارکیتے قرضے ڈتے ویسن۔ انہاں آکھیے 112لنگر خانے انہاں علاقیں اچ کھولیے ویسن جتھاں محنت کش، بیروزگاری اتے بھک دا شکار اے ۔ اوکھا وقت اے لیکن اساکوں کمزور طبقے دا ا??ساس اے ، کوشش اے جو لوک بھکے نہ رہن ،وزیراعظم آکھیا جو یونیورسٹیاں اچ ریاست مدینہ دی طرز تے پروگرام شروع کریندے پیوں ، ریاست مدینہ اچ کمزور طبقے دی ذمے واری ریاست گھندی اے تے اے فلاحی ریاست ہوندی اے ، ریاست مدینہ قرآن و سنت دی عملی تصویر ہئی ۔ انہاں آکھیے جو ریاست مدینہ اچ کمزور طبقے دا ا??ساس موجود ہئی ، ریاست مدینہ پہلے ڈینھ وجود اچ کائناں آئی بلکہ مرحلہ وار جدوجہد دے نتیجے اچ اے ریاست وجود اچ آئی جیں دا مقصد عوامی و سماجی فلاح وبہبود ہئی ۔ انہاں آکھیے جو کوشش اے جو کاروباری طبقے کوں اتے گھن آﺅں ، کاروبار ودھنڑ نال روزگار ودھسے ،انہاں آکھیے جو احساس پروگرام اچ سیلانی ٹرسٹ کوں وی شامل کیتا ویسی نواں ??اک??تان فلاحی ریاست بنڑسی ، 70 سال دے مسلیں کوں حل کرنڑ اچ کجھ وقت لگسی کمزور طبقات دی مدد کرنڑنال ملک اچ برکت آسی ۔ انہاں آکھیے جو غریباں کیتے پناہ گاہیں تعمیر کیتیاں گن ، ہپستالاں اتے پولیس نظام اچ بہتری ??ھن آندے پیوں ،ایں موقع تے وزیر ا??ظم دی سماجی تحفظ اتے غربت مکاونڑ دی خصوصی معاون اتے احساس پروگرام دی سربراہ ڈاکٹر ثانیہ نشتر آکھیا جو وزیراعظم عمران خان اپنڑے دل اچ محنت کشاں دا خاص احساس رکھیندن ۔ وزیر ا??ظم پہلے غریباں کوں چھت ڈیونڑ کیتے پناہ گاہیں قائم کرنڑ داکم شروع کیتا تے ہنڑ غریباں کیتے احساس لنگر سکیم شروع کیتی اے ۔ اگلے سال پورے ملک اچ 112 لنگر خانے شروع کیتے ویسن جتھاں مستحق لوکاں کوں عزت و احترام نال روٹی ڈتی ویسی ۔ سیلانی ٹرسٹ دے سربراہ مولانا بشیر فاروق قادری ??ال مہاڑ کریندے ہوئیں آکھیا جو وزیراعظم عمران خان غریب اتے پسماندہ طبقات دا درد اتے احساس دل اچ رکھیندن ۔ وزیر ا??ظم ریاست مدینہ دے تصور دی عملی تعبیر کیتے اقدامات کریندے پن ۔ سیلانی ویلفیئر ٹرسٹ ایں معاملے اچ انہاں دے رلے کھڑے۔
پورے ملک اچ پہلے مرحلے اچ 112 لنگر خانے کھولیے ویسن ، غریب، نادار اتے کمزور طبقیں دی خدمت کرنڑ ساریں توں وڈی نیکی اے ، وزیر اعظم عمران خان دا احساس سیلانی لنگر خانہ سکیم دے افتتاح دے موقع تے خطاب
مضمون کا ماخذ : ریل رش
متعلقہ مضامین
