اسلام آباد ۔ 4 جون (اے پی پی)وزیر خارجہ شاہ محمود قریشی نال ازبک سفیر فرقات صدیقوف دی الوداعی ملاقات کیتی۔ملاقات اچ ڈو پاسہ تعلقات،اقتصادی سفارت کاری سمیت آپسی دلچسی دے معاملیاں تے گالھ مہاڑ کیتی گئی ۔وزیرخارجہ پاکستان اچ اپنڑے عرصہ تعیناتی خوش اسلوبی نال پورے کرنڑ تے ازبک سفیر کوں مبارک ڈتی۔وزیرخارجہ پاکستان اتے ازبکستان وچال ڈوپاسہ تعلقات کوں چنگا بنڑاونڑ بارے ازبک سفیر دی خدمات دی تعریف کیتی۔وزیرخارجہ ازبک سفیر فرقات صدیقوف کوں بطور نائب وزیر خارجہ ازبکستان تقرری تے مبارک باد ڈیندیں ہوئئیں توقع کیتی جو تساڈے ایں منصب تے آونڑ نال پاک ازبک تعلقات بئے ودھسن۔ازبک سفیر خطے اچ امن تے استحکام سانگے پاکستان دے کردار دی تعریف کیتی اتے افغانستان اچ امن سانگے پاکستان دے کردار دی وی تعریف کیتی۔
مضمون کا ماخذ : گولڈ رش
