لاهور ۔18دسمبر (اے پی پی) د وزيراعظم شهباز شريف او پخواني صدر آصف علي زرداري ترمينځه لاهور کښې مهم ملاقات شوې۔ دواړو مشرانو د هېواد په مجموعي سياسي صورتحال او د معيشت په شمول په نورو مهمو چارو د خيالاتو څرګندونه وكړه۔ د وزيراعظم آفس پرېس ونګ لخوا د اتوار په ورځ د جاري شوي بيان له مخې د دواړو مشرانو ته ترمينځه ملاقات په ماډل ټاؤن كښې د وزيراعظم شهباز شريف په استوګنه وشو۔ دواړو لارښودو په ملاقات كښې پرېكړه وكړه چې هېواد بې ثباتۍ سره د مخ كولو به چاته اجازه وركولې نه شي٬ د معيشت ډيفالټ كولو سازش كوؤنكو په ضد د پرېكنده ګامونو پورته كولو پرېكړه وكړې شوه۔ دواړو مشرانو معاشي بهترۍ سره سره اولس د ګرانۍ بوج څخه ويستلو له د اقداماتو په تندولو موافقه وكړه۔ پخواني صدر زرداري د پټروليم مصنوعاتو نرخونو کمولو لپاره د وزيراعظم شهباز شريف د هڅو ستائنه وكړه۔ دواړو لارښودو د سېلاب ځپليو بحالۍ او دوئي يخنۍ څخه بچ كولو له د مرسته كار په ګړندي كولو اتفاق وكړو۔ دواړو مشرانو د ائتلافي ګوندونو د سیاسي قوت په زیاتولو هم موافقه وکړه۔ همدارنګه موافقه وشوه چې د پاکستان اقتصادي پرمختګ لپاره سیاسي ثبات ضروري دے، د پاکستان له اقتصادي خطرو څخه بچ كولو له به هر حد ته ځو۔ دواړو مشرانو دا هم ومنله چې ايتلافي حکومت به د سياسي ثبات او اقتصادي پرمختګ لپاره په پرله پسې توګه مخ په وړاندې ځي۔ ملاقات كښې د وزيراعظم خاص مرستيالان ملک محمد احمد خان او عطاء الله تارړ هم موجود وو۔
وزيراعظم شهباز شريف سره د پخواني صدر آصف علي زرداري مهم ملاقات٬ د سياسي صورتحال او معيشت په شمول په مهمو چارو د خيالاتو څرګندونه
مضمون کا ماخذ : لاٹری کے سستے ٹکٹ
متعلقہ مضامین
