اسلام آباد ۔ 20 اپریل (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو وزیراعظم عمران خان عوام کوں کورونا توں محفوظ رکھنڑ تے بھک توں بچاونڑ دے اقدامات کریندے پئن جڈاں جو ڈوجھے پاسے ن لیگی قیادت کوں عوام دی بجائے شریف خاندان دا درد ستیندا پئے ۔سنوار کوں ہک ٹویٹ اچ انہاں شاہد خاقان عباسی کوں ولویندے ہوئیں آکھیے جو جیرھے حکمراناں توں ملک نہ چلدا ہئی عوام انہاں کوں اقتدار توں باہر سٹ ڈتے ۔ پنجاب اچ (ن) لیگیاں دا شہباز شریف کوں یاد کرنڑ انہاں دے اقتدار دی محرومی نال جڑیا پئے ۔ ڈاکٹر فردوس عاشق اعوان آکھیے جو اج پوری قوم کورونا دے خلاف جنگ اچ برسرپیکار اے ، اپوزیشن لیڈر عوام دے رلے کھڑا تھیونڑ کیتے آئے ہن لیکن ہی آئسولیشن اچ بیٹھن ۔انہاں آکھیے جو قانون کوں اپنڑے تابع کرنڑ آلے جانڑ گھنن جو نویں پاکستان اچ ادارے آزاد اتے قانون بالادست اے، شاہد خاقان صاحب اپنڑی قیادت توں گھٹ قوم دی امانت واپس کرے ،اے قوم دی خدمت دا ویلھا اے مگر افسوس جو اج تساڈی قیادت کورونا متاثرین تے اپنڑی جیب توں کجھ دمڑیاں خرچ کرنڑ دی وی شوبازی نئیں کریندی پئی ۔
وزیراعظم عمران خان عوام کوں کورونا تے بھک توں بچاونڑ کیتے اقدامات کریندے پئن ،معاون خصوصی اطلاعات و نشریات ڈاکٹر فردوس عاشق اعوان
مضمون کا ماخذ : números sorteados lotomania
متعلقہ مضامین
