اسلام آباد ۔ 3 اپریل (اے پی پی)وفاقی وزیر برائے آبی وسائل فیصل واوڈ آکھیے جو وفاقی حکومت آزاد کشمیر کوں پن بجلی دے استعمال سانگے ہک روپیہ 10 پیسے فی یونٹ دی ادائیگی دی منظوری ڈتی ہے، آزاد کشمیر کوں ہنڑ 11 ارب روپے ملسن ،نیلم۔جہلم پن بجلی منصوبہ 103 فیصد دی پیداواری استعداد تے چلدا پئے ، مہمند ڈیم دی بنڑاونڑسانگے کم شروع تھی گئے، ممکنہ سیلاب دی صورتحال نال نبڑن سانگے تیاریاں مکمل کر گھدیاں ہن، صوبیں کوں وی احتیاطی تدبیراں اختیار کرنڑ پوسن ۔ انہاں ایہ گالھیں بدھ کوں پریس کانفرنس کریندے ہوئیں کیتیاں۔ انہاں آکھیاجو آزاد کشمیر کوں پن بجلی سانگے پانڑیں دے استعمال دے حوالہ نال ادائیگی دا معاملہ کافی عرصہ توں رکیا ہویا ہااتے 2016ءاچ جڈاں بئے صوبیں سانگے ایندی منظوری ڈتی گئی ہائی تاں آزاد کشمیر سانگے وی ڈتی ونجنڑ چاہیدی ہائی، لیکن ہنڑ اساڈی حکومت سیاسی وابستگی کو ں ہک پاسے رکھ تے ایہ فیصلہ کیتے جو آزاد کشمیر کوں ہک روپے 10 پیسے فی یونٹ دے حساب نال پن بجلی سانگے پانڑیں دے استعمال دی مد اچ ڈتے ونجنڑ، ایں توں پہلے آزاد کشمیر کوں سالانہ 70 کروڑ روپے ملدے پئے ہن۔
وفاقی وزیر آبی وسائل فیصل واوڈا داپریس کانفرنس نال خطاب
مضمون کا ماخذ : لاٹری آن لائن
متعلقہ مضامین
