واہ ۔ 8 اگست (اے پی پی) نگران وزیراعظم جسٹس (ر) ناصر الملک ملک دے دفاعی تقاضے پورے کرنڑاچ پاکستان آرڈیننس فیکٹریز دی قابل قدر خدمات دی تعریف کریندے ہوئیں آکھے جو کثیر الجہتی دفاع اتے ملک کوں درپیش سکیورٹی چیلنجز دے تناظر اچ پی او ایف بہوں اہمیت رکھیندی ہے ۔ انہاں اے گالھ بد ھ کوں پاکستان آرڈیننس فیکٹریز دے دورہ دے موقعے اُتے آکھی ۔ ملک دے ساریاں توں وڈے دفاعی صنعتی کمپلیکس پی او ایف واہ آمد اُتے ادارے دے چیئرمین لیفٹیننٹ جنرل صادق علی وزیراعظم دا خیرمقدم کیتا۔ وزیراعظم کوں آرڈیننس فیکٹری اچ تیار کیتے ونجنڑ آلے عالمی معیار دے اسلحہ و بارود دی وسیع تر مصنوعات بارے تفصیل نال ڈسایا گیا۔ انہاں کوں زمانہ جنگ تے امن دے دوران مسلح افواج دی دفاعی اتے غیر دفاعی لوڑ کوں پورا کرنڑ سانگے پی او ایف دیاں خدمات بارے ڈسایا گیا۔ وزیراعظم کوں ڈسایا گیا جو صرف لاگت دی بنیاد اُتے ملکی لوڑکوں پورا کرنڑ توں علاوہ پی او ایف درآمدی متبادل دے ذریعے وی ملک دی خدمت کریندی پئی ہے اتے 40 ملکاں کوں آپ دی اضافی مصنوعات دی برآمد کرتے قیمتی زرمبادلہ وی کما ندی پئی ہے اتے ایں طرح دفاعی سفارت کاری کوں ودھایا وی ویند اپئے ۔ وزیراعظم کوں صحت، تعلیم اتے ماحولیاتی تحفظ دے میدان اچ ادارے دی کارپوریٹ سماجی ذمہ داری دی خدمات اتے تجارتی سرگرمیاں بارے اچ وی ڈسایا گیا۔ وزیراعظم ملک دی دفاعی لوڑ پورا کرنڑ کیتے پی او ایف دی قابل قدر خدمات دی تعریف کیتی۔
کثیر الجہتی دفاع اتے ملک کوں درپیش سکیورٹی چیلنجز دے تناظر اچ پی او ایف بہوں اہمیت رکھیندی ہے ، نگران وزیراعظم جسٹس (ر) ناصر الملک
مضمون کا ماخذ : میگا سینا آن لائن
متعلقہ مضامین
