پاکستان سٹیزن پورٹل تے ݙوسال وچ 25 لکھ توں ودھ شکایتاں حل،ملݨ آلیاں شکایتاں تے عوامی مفاد اچ اہم پالیسی اصلاحات

اسلام آباد۔6دسمبر  (اے پی پی):پاکستان سٹیزن پورٹل اسلامی فلاحی ریاست مدینہ دے نمونہ تے مبنی ہک ایجھا منصوبہ اے جتھاں لوکاں دیاں شکایتاں کوں سݨݨ تے انھاں کوں وختی حل حل کرݨ کیتے عملی اقدامات کیتے ویندن ۔وزیراعظم عمران خان دے اسلامی فلاحی ریاست دے وژن دے تحت عوام دیاں شکایتاں کوں ترجیحی بنیاداں تے حل کرݨ کیتے پاکستان سٹیزن پورٹل دا آغاز 28 اکتوبر 2018ءکوں کیتا ڳیا ۔ پاکستان سٹیزن پورٹل ایں ویلھے 87 ملکان دی سروس ڈیلیوری کیٹیگری اچ 4646 ایپس اچ سرفہرست ترائے ایپس اچ شامل ھےاتے ایں پورٹل توں اندرلے ملک شہری، ٻاہرلے ملک پاکستانی تے غیر ملکی لوک فائدہ چیندے پن۔ 2018ءاچ پاکستان سٹیزن پورٹل دے افسر ڈیش بورڈز دی کل تعداد 3796 ہئی جیڑھی جو 2020اچ 8913 تھی ڳئی اے ۔ 2018ءاچ شکایتاں دی کیٹیگریز 473 ہن جیڑھیاں جو 2020ءاچ ودھ کراہیں 1151 تھی ڳیاں ۔ اینویں 2018ءاچ اے پورٹل صرف ہک موبائل ایپ دے ذریعے کم کریندا پیا ہئی جݙاں جو 2020ءاچ ہݨ چار مختلف ذرائع توں کم کریندا پئے جیں اچ موبائل ایپ، ویب رسائی، کھلی کچہری، شکایت درج کراوݨ دا مینوئل طریقہ شامل ھے۔ ایندے توں انڄ 2020ءاچ ہک ہیلپ لائن وی قائم کیتی ڳی ھے تے ہݨ شکایات سیل وی ایں پورٹل نال جڑیا ہویا ھے۔ اینویں ݙوسال وچ پاکستان سٹیزن پورٹل دی کامیابی اتے ایندے اچ شہریاں دیاں ضرورتاں کوں ݙٰیکھدے ہوئیں نشابر تبدیلیاں کیتیاں ڳئن ۔ ہݨ اے پورٹل عوام کیتے انھاں دیاں شکایتاں دے ازالے کیتے ہک بہترین پلیٹ فارم بݨ ڳے ۔ایں پورٹل تے عوام آپدی ذاتی اتے سماجی ذمے واری دا احساس کریندے ہوئیں شکایتاں درج کرسڳدن ۔ پورٹل تے شکایت درج کراوݨ بارے رہنمائی وی ݙتی ڳی اے ڄݙاں جو تجاویز وی ݙتی ونڄ سڳدی اے ،ایندے توں انڄ وںڄے ٻالاں کوں گولݨ ،ٻالاں نال بدسلوکی دے واقعات کوں رپورٹ کرݨ کیتے زینب الرٹ ایپ کوں وی ایں پورٹل دے نال جوڑیا ڳے ۔پورٹل تے آندیاں شکایتاں دے ازالے تے انھاں تے تھیوݨ آلی کارواءی متعلق رپورٹ باقاعدگی نال وزیراعظم عمران خان کوں ݙتی ویندی پئی اے جیں اچ نہ صرف ازالہ کیتیاں ڳیاں شکایتاں دے حجم دی نشاندہی کیتی ویندی ھے بلکہ عوام ولوں ݙتے ڳے فیڈ بیک وی ایندے شامل ہوندے۔  سرکاری ذرائع موجب پاکستان سٹیزن پورٹل تے ہݨ تئیں موصول تھیوݨ آلی شکایات دی مجموعی تعداد 27 لکھ توں ودھ اے ۔شکایتاں کوں نبیڑݨ کیتے خصوصی ڈیش بورڈز پورے ملک وچ قائم ہن ،ایں ویلھے پنجاب اچ ڈیش بورڈز دی مجموعی تعداد 3102 ھے جیں اچوں وفاق دے 161 اتے صوبائی حکومت دے 2941، خیبر پختونخوا اچ ڈیش بورڈز دی مجموعی تعداد 2331 ھے جیں اچوں صوبائی حکومت دے 2237 تے وفاقی حکومت دے 94، وفاقی دارالحکومت اچ کل ڈیش بورڈز دی تعداد 1516 ڄݙاں جو صوبائی حکومت دے 32 اتے وفاق دے 1484 ڈیش بورڈز ہن پئے۔ سندھ اچ ڈیش بورڈز دی مجموعی تعداد 1229 ھے جیں اچوں صوبائی حکومت دے 1174 اتے وفاق دے 55، بلوچستان اچ ڈیش بورڈز دی مجموعی تعداد 444 ھے جیں اچوں صوبائی حکومت دے 428 اتے وفاق دے 16، آزاد جموں و کشمیر اچ 174 ڈیش بورڈز ہن جیں اچوں آزاد کشمیر حکومت دے 29 اتے وفاق دے 145 ڈیش بورڈز ہن۔ گلگت بلتستان اچ مجموعی ڈیش بورڈز دی تعداد 117 ھے جیں اچوں گلگت بلتستان حکومت دے113 اتے وفاق دے 4 ہن۔ اینویں مجموعی ڈیش بورڈز دی تعداد 8913 ھے جیں اچوں صوبائی حکومتاں بشمول آزاد کشمیر اتے گلگت بلتستان دے ڈیش بورڈز دی تعداد 6954 ھے اتے وفاق دے ڈیش بورڈز دی تعداد 1959 ھے۔ ایں ویلھے پورٹل تے رجسٹرڈ مجموعی لوکاں دی تعداد 28 لکھ 19 ہزار ھے جیں اچ اوورسیز پاکستانیاں دی تعداد ھک لکھ 70 ہزار ڄݙاں جو غیر ملکی رجسٹرڈ لوکاں دی تعداد 11ہزار ھے۔ اینویں پورٹل تے رجسٹرڈ مرد حضرات دی مجموعی تعداد 26 لکھ 26 ہزار ھے جیڑھی جو پورٹل تے رجسٹرڈ مجموعی تعداد دا 87 فیصد ھے۔ ایں پورٹل تے ݙو لکھ ہک ہزار تریمتاں رجسٹرڈ ہن مجموعی تعداد دا 7 فیصد ہن، پورٹل تے 4 ہزار مختلف لوکاں دے علاوہ ھک لکھ 69 ہزار ایجھے ممبران ہن جنھاں شناخت ظاہر نی کیتی ۔ پاکستان سٹیزن پورٹل تے پنجاب توں  رجسٹرڈ لوکاں دی تعداد 16 لکھ 96 ہزار، کے پی کے اچ 5 لکھ 16 ہزار، سندھ اچ 4 لکھ 6 ہزار، بلوچستان اچ 39 ہزار، اسلام آباد اچ 37 ہزار، آزاد جموں و کشمیر اچ 29 ہزار اتے گلگت بلتستان اچ 1425 لوک رجسٹرڈ ہن۔ پورٹل تے 10 سرفہرست رجسٹرڈ پروفیشنل لوکاں اچ طلباءدی تعداد 2 لکھ 3 ہزار 959 ھے، کاروباری شخصیات دی تعداد 1 لکھ 18 ہزار 789، انجینئرز دی تعداد 82 ہزار 200، سول سرونٹس دی تعداد 60 ہزار 66، اساتذہ دی تعداد 53 ہزار 703، سماجی ورکرز دی تعداد 53 ہزار 479، کارپوریٹ سیکٹر توں 32 ہزار 638 لوک ، فورسز توں 23 ہزار 483، میڈیکل دے شعبہ توں 14 ہزار 619 اتے وکلاءدی تعداد 12 ہزار 768 ھے۔عمر دے لحاظ نال 20 سال تئیں دے عمر دے 1 لکھ 80 ہزار 587 لوک پورٹل تے رجسٹرڈ ہن جیڑھے جو  مجموعی تعداد دا 6 فیصد ہن۔ اینویں 20 توں 29 سال دی عمردے رجسٹرڈ لوکاں دی تعداد 13 لکھ 64 ہزار 196 ھے جیڑھی جو مجموعی تعداد دا 49 فیصد ھے۔ 30 توں 39 سال دی عمر دے لوکاں دی تعداد 8 لکھ 12 ہزار 676 ھے جیڑھی جو مجموعی تعداد دا 29 فیصد ھے۔ اینویں 45 سال توں 49 سال تئیں دی عمر دے رجسٹرڈ لوکاں دی تعداد 2 لکھ 86 ہزار 123 ھے جیڑھی جو مجموعی تعداد دا 10 فیصد ھے۔ 50 سال توں 65 سال دی عمر دے 1 لکھ 34 ہزار 351 لوک پورٹل تے رجسٹرڈ ہن جیڑھی جو مجموعی تعداد دا پنج فیصد جݙاں جو  65 سال توں ودھ عمر دے 22 ہزار 753 لوک پورٹل تے رجسٹرڈ ہن جیڑھی جو مجموعی تعداد دا ہک فیصد ہن۔تعلیمی قابلیت دے لحاظ نال بیچلر ڈگری دے حامل 1 لکھ 2 ہزار 522 لوک پورٹل تے رجسٹرڈ ہن۔ ماسٹر ڈگری دے حامل 1 لکھ 35 ہزار 792 لوک ، ایم ایس، پی ایچ ڈی ڈگریاں دے حامل 37 ہزار 488 لوک پورٹل تے رجسٹرڈ ہن ۔ اینویں پوسٹ ڈاکٹرز دی تعداد 1852 ھے۔ پورٹل تے رجسٹرڈ اقلیتاں دی تعداد ھک لکھ 1 ہزار 32 ھے۔ سٹیزن پورٹل تے ٻاہرلے ملکاں اچ رہݨ آلے تارکین وطن وی رجسٹرڈ ہن جنھاں دی مجموعی تعداد تقریباً 1 لکھ 70 ہزار ھے جیں اچوں متحدہ عرب امارات توں رجسٹرڈ پاکستانیاں دی تعداد 41 ہزار 439، سعودی عرب توں 37 ہزار 311، برطانیہ توں13 ہزار 614، امریکہ توں5 ہزار 876، قطر توں 4 ہزار 657، آسٹریلیاتوں 4 ہزار 591، کینیڈا توں4 ہزار 232، اومان توں 4 ہزار 205، ملائیشیا توں3 ہزار 516، اٹلی توں 3 ہزار 75، کویت توں2 ہزار 758، بحرین توں 2 ہزار 655، چین توں 2 ہزار 538 ہن ۔ سٹیزن پورٹل تے مجموعی طور تے 27 لکھ 64 ہزار 410 شکایتاں ملن جیں اچوں 25 لکھ 95 ہزار 828 شکایتاں کوں نبیڑیا ڳے ۔ ایںویں شکایتاں کوں نبیݨݨ دی شرح 94 فیصد ھے۔ وفاقی دارالحکومت توں ملݨ آلیاں شکایتاں دی تعداد 13 لکھ 41 ہزار 601 ھے جیں اچون 12 لکھ 71 ہزار 614 شکایتاں کوں حل کیتا ڳے ، پنجاب توں 9 لکھ 45 ہزار 784 شکایتاں ملیاں جیں اچوں 8 لکھ 92 ہزار 638 شکایتاں کوں نبیڑیا ڳے ۔ شکایتاں کوں نبیڑݨ دی شرح 94 فیصد رہی۔ خیبر پختونخوا توں 2 لکھ 62 ہزار 917 شکایتاں ملیاں جیں اچوں 2 لکھ 49 ہزار 399 شکایتاں کوں حل کیتا ڳے اینویں شکایتاں کوں حل کرݨ دی شرح 95 فیصد رہی۔ سندھ توں 1 لکھ 67 ہزار 691 شکایتاں ملیاں جیں اچوں 1 لکھ 43 ہزار 473 شکایتاں کوں حل کیتا ڳے ۔ شکایتاں کوں حل کرݨ دی شرح 86 فیصد رہی۔ وفاقی دارالحکومت توں ملݨ آلی شکایتاں دی تعداد 22 ہزار 759 اے جنہاں اچوں 17 ہزار 764 شکایتاں کوں نبیڑ ݙتا ڳئے، شکایات حل کرݨ دی شرح 78 فیصد رہی۔ بلوچستان توں 19 ہزار 618شکایتاں ملین جنہاں اچوں 17 ہزار 551 شکایتاں کوں حل کیتا ڳئے۔ شکایتاں کوں حل کرݨ دی شرح 89 فیصد رہی۔ گلگت بلتستان توں 3 ہزار 421 شکایتاں ملین جنہاں اچوں 2 ہزار 863 شکایتاں کوں حل کیتا ڳئے جݙانجو آزاد جموں تے کشمیر توں ملݨ آلی شکایتاں دی تعداد 619 رہی جنہاں اچوں 526 شکایتاں کوں حل کیتا ڳئے ۔مجموعی طورتے ملݨ آلی 27 لکھ 64 ہزار شکایتاں اچوں 13 لکھ 41 ہزار 601 شکایات دا تعلق وفاقی حکومت دے  محکمیاں اچوں ہئی ۔4 لکھ 97 ہزار 758 شکایتاں توانائی اتے پاور بارے، 1 لکھ 26 ہزار 667 شکایات دا تعلق تعلیم اتے 83 ہزار 426 شکایات دا تعلق انسانی حقوق بارے ہئی۔ پنجاب توں ملݨ آلی نو لکھ 45 ہزار 784 شکیاتاں اچوں ݙو لکھ 94 ہزار 735 شکایتاں دا تعلق میونسپل سروسز 1 لکھ 11 ہزار 178 شکایتاں دا تعلق امن و امان جڈانجو 1 لکھ 402 شکایات دا تعلق تعلیم توں ہئی ۔ خیبر پختونخوا توں ملݨ آلی 2 لکھ 62 ہزار 917 شکایتاں اچوں 61 ہزار 559 شکایات دا تعلق میونسپل سروسز توں، 50 ہزار 386 شکایات دا تعلق ایجوکیشن توں جڈانجو 28 ہزار 584 شکایات دا تعلق صحت دے شعبہ توں ہئی۔ سندھ توں ملݨ آلی ہک لکھ 67 ہزار 691 شکایتاں اچوں 73 ہزار 575 شکایتاں دا تعلقمیونسپل سروسز توں، 1 لکھ 71 ہزار 196 شکایات دا تعلق تعلیم توں، 15 ہزار 358 شکایات دا تعلق امن و امان توں ہئی۔ اینویں وفاقی دارالحکومت توں ملݨ آلی 22 ہزار 759 شکایات اچوں 7 ہزار 587 شکایتاں دا تعلق میونسپل سروسز، 4 ہزار 268 شکایات دا تعلق انسانی حقوق توں جڈانجو 2 ہزار 567 شکایات دا تعلق لینڈ ریونیو توں ہئی۔ بلوچستان توں ملݨ آلی 19 ہزار 618 شکایتاں اچوں چار ہزار 573 شکایتاں دا تعلق میونسپل سروسز، 3 ہزار 233 شکایات دا تعلق تعلیم اتے 2 ہزار 279 شکایات انسانی حقوق بارے ہن۔گلگت بلتستان توں 3421 جڈانجو آزاد جموں تے کشمیر اچوں 619 شکایتاں مختلف قسم دے شعبیاں توں ہن۔ اوورسیز پاکستانیاں ولوں ملݨ آلی مجموعی شکایتاں دی تعداد ہک لکھ 36 ہزار 392 اے جنہاں اچوں ہک لکھ 28 ہزار 372 شکایتاں کوں نبیڑ ݙتا ڳئے۔ ایں پورٹل تے پسماندہ طبقے دی شکایتاں ترجیحی بنیاداں تے کاروائی کیتی ویندی اے۔ پاکستان سٹیزن پورٹل تے خصوصی بندیاں دی شکیاتاں تے کاروائی کیتی ویندی اے ۔ ݙو سالیں اچ خصوصی بندیان ولوں ہک لکھ 55 ہزار 177 شکایتاں ملین جنہاں اچوں ہک لکھ 42 ہزار 365 شکایتاں کوں حل کر ݙتا ڳئے۔اقلیتاں ولوں 56 ہزار 627 شکیاتاں ملین اتے 52 ہزار 787 شکایتاں کوں حل کیتا ڳئے۔ پورٹل تے تریمتیں ولوں 1 لکھ 80 ہزار 673 شکایتاں ملین جنہاں اچوں 1 لکھ 68 ہزار 299 شکایتاں دا ازالہ کیتا ڳئے۔ بزرگ شہریاں ولوں 34 ہزار 570 شکیاتاں ملین جنہاں اچوں 31 ہزار 466 شکیاتاں کوں حل کیتا ڳئے۔ پورٹل تے خیبرپختونخواہ دے 69 ہزار 198 شہریاں شکایتاں دے ڄل تے اعتماد کیتے، پنجاب توں ݙو لکھ 13 ہزار 185 بندیاں اطمینان کیتے۔ بلوچستان توں ترائے ہزار 575 بندیاں جݙانجو سندھ توں 16 ہزار 477 شکایتاں حل تھیوݨ تے اطمینان کیتے۔ عوامی رائے دے تحت وزارت خارجہ امور سانڳے مجموعی طور تے 7390 فیڈ بیکس ملین جنہاں اچوں 3549 بندیاں اطمینان کیتے۔ اینویں اطمینان دی شرح 48 فیصد رہی۔ پورٹل تے منفی فیڈ بیک آلی شکایتاں دا پرائم منسٹر ڈلیوری یونٹ جائزہ گھندے۔ اگرشکایتاں میرٹ تے حل نی کیتا ویندا تاں انہاں کوں ولا کھولیا ویندے۔ایں ویلھے پرائم منسٹر ڈیلیوری یونٹ ولوں 1 لکھ 67 ہزار 665 شکایتاں کوں ولا اوپن کیتا ڳئے۔ ری اوپن تھیوݨ دے بعد 28 فیصد منفی فیڈ بیک مثبت اچ تبدیل تھین۔ ری اوپن تھیوݨ آلی 1 لکھ 67 ہزار 665 شکایات اچوں 1لکھ 53 ہزار 425 شکایتاں کوں حل کیتا ڳئے۔ ایں بارے 27 ہزار 193 فیڈ بیکس ملین جنہاں اچوں ست ہزار 535 فیڈ بیکس اطمینان کیتا ڳئے۔ عوامی رویئے دی نگرانی سانڳے شکایتاں کوں طریقہ کار دے مطابق سسٹم توں کݙھ ڈتا ویندے ۔ شہریاں دی ذمہ داری دا انڈکس  (سی آر آئی) برقرار رکھیا ویندے۔ شکایتاں کوں ختم کرݨ دی مختلف وجوہات تھی سڳیدن جنہاں اچوں شہریاں دی آپݨی درخواست تے،غیر واضح مبہم مواد، ڈپلی کیٹ شکایات، نان ایشوز، عدالتی امور، سروس دے معاملات، ملازمت سمیت مختلف معاملے شامل ہن۔ پاکستان سٹیزن پورٹل تے ملݨ آلی شکایتاں تے عوامی فائدے اچ اہم پالیسی اصلاحات وی کیتی ڳئین جنہاں اچوں فنگر پرنٹس ضائع تھیوݨ آلے لوکاں دی سہولت سانڳے ایس او پیز دا نفاذ کیتا ڳئے جیڑھا جونادار دے ذریعے نافذ کر ݙتا ڳئے۔ ود ہولڈنگ ٹیکس نال سمندر پار پاکستانیاں کوں استثنیٰ ݙتا ڳئے۔ 282 شکایتاں تے 29 ہزار انٹرنیز کوں 941 ملین روپے دے بقایے ݙتے ڳئن۔ تریمتیں اتے معذور لوکاں دی سہولت سانڳے ایف پی ایس سی ولوں امتحانی مراکز تبدیل کیتے ڳئن۔ سمندر پار پاکستانیاں دے مسائل دےحل سانڳے اعلیٰ سطحی دی کمیٹی بݨا ݙتی ڳئی اے۔ اسلام آباد ایکسائز اچ طریقہ کار کوں سوکھا بݨاوݨ سانڳے اصلاحات کیتی ڳئن۔ مہلک بیماریاں دے علاج دے پروگرام کوں بحال کیتا ڳئے۔ ایں پورٹل توں وزارتاں اتے ݙویژنز اچ وی اصلاحات کیتی ڳئن۔ 1322 اسامیاں سانڳے بھرتی دے قوانین بݨائے گڳن جنہاں اچوں 16 ہزار 343 افسرفائدہ چیسن۔ 3333 افسراں دے لمبے عرصے توں پروموشنز دے معاملیاں کوں حل کیتا ڳئے۔ لمبے عرصے توں پھتے ہوئے سنیارٹیز دا اعلان کیتا ڳئے جئیں نال 8384 افسراں فائدہ چاتے۔ وفاقی حکومت دے اداریاں اچوں 946 زیر التواءڈسپلنری انکوائریز کوں چھیکڑی شکل ݙتی ڳئی اے۔ 1815 بندیاں کوں ݙوجھے عہدیاں تے لاݙتاڳئے۔ 6758 خالی اسامیاں کوں پُر کیتا ڳئے۔ ایں پورٹل دے ݙیزائن اتے تیاری تے کہیں قسم دی لاڳت نی آئی جݙانجو ݙو سالیں  اچ ایں پروگرام کوں چلاوݨ سانڳے 53 ملین روپے خرچہ تھیے۔ ہک شکایتاں دے حل تے حکومت کوں آوݨ آلے لاگت 20 ہزار اے۔ مستقبل اچ پاکستان سٹیزن پورٹل کو ں ٻیا بہتر اتے باسہولت بݨاوݨ سانڳے ایں اچ ٻئی خصوصیات شامل کرݨ دا منصوبہ اے۔ ٻئی فراہم کیتے ڳئے فیچرز اچ عوامی رائے،  نوٹیفیکیشنز اتے اعلانات، آل پاکستان فون ڈائریکٹری، خصوصی ایونٹس، کارکردگی اتے آڈٹ دا نظام اتے ٻئے شامل ہن۔ پاکستان سٹیزن پورٹل دی ݙو سال دی کارکردگی بارے ہک خصوصی تقریب جمعے کوں تھئی جئیں اچ وزیراعظم عمران خان خطاب کریندیں ہوئیں آکھیا جو پاکستان سٹیزن پورٹل مدینہ دی ریاست آلے پاسے ہک اہم قدم اے۔ ایں نال ادارے، بیوروکریسی اتے وزراء دی کارکردگی دے جائزے اچ مدد ملدی پئی اے۔مقامی حکومتاں سانڳے نظام نال انقلاب امسی اتے عوام دے مسئلے انہاں دے آپݨے شہر اچ حل تھیسن۔ انہاں عوام توں آکھیا جو او آپݨے آپ کوں بااختیار بݨاوݨ سانڳے ایں پورٹل دا ودھ توں ودھ استعمال کرن۔