اسلام آباد ۔ 28 فروری (اے پی پی) وفاقی وزیر قومی صحت عامر محمود کیانی گزریل ڈینھ پمز ہسپتال دا دورہ کیتا تے پاک بھارت جھیڑے پاروں کہیں وی ہنگامی صورت حال نال نبڑنڑ کیتے اقدامات دا جائزہ گھدا ۔ایں موقع تے وفاقی وزیر صحت کوں سارے اقدامات بارے بریفنگ ڈتی گئی تے انہاں کوں ڈسایاگیا جو پاک بھارت کشیدگی پاروں کہیں وی صورت حال نال نبڑنڑ کیتے پمز اچ کنٹرول روم قائم کر ڈتا گے ۔وارڈزاچ ہنگامی بنیاداں تے بیڈز دی فراہمی کوں یقینی بنڑاونڑ تے ایمر جنسی دی صورت اچ بلڈ بنک اچ خون دی فراہمی کوں یقینی بنڑایا ویسی ۔ بریفنگ اچ ہسپتال دے ایگزیکٹو بورڈ اجلاس اچ کیتے گے فیصلیںنال وفاقی وزیر کوں ڈسایا گے جو پمز دی نویں ایمر جنسی بلڈنگ کوں ہنگامی صورت حال اچ وارڈ دے طور تے استعمال کیتا ویسی ۔ہسپتال دے سارے عملے دیاں چھٹیاں منسوخ کر ڈتیاں گن تاں جو کہیں وی ایمر جنسی دی صورت اچ نرسز تے پیرا میڈیکل سٹاف دی موجودگی کوں یقینی بنڑایاویسی۔
وفاقی وزیر قومی صحت عامر محمود کیانی دا پمز ہسپتال دا دورہ،ہنگامی صورت حال نال نبڑنڑ کیتے اقدامات دا جائزہ گھدا
مضمون کا ماخذ : میگا ملینز کے نمبر
متعلقہ مضامین
