اسلام آباد/لاہور ۔ 31 اکتوبر (اے پی پی) وزیر خارجہ شاہ محمود قریشی آکھیا جو کرتارپور خیر سگالی دا سنھیا اے،وزیراعظم عمران خان نو نومبر کوں کرتارپور راہداری دا افتتاح کریسن،پاکستان اچ کوئی مسیت ونجنڑ چاہندے یا مندر،ہر ہک کوں مذہبی آزادی اے،کشمیر تے اساڈا موقف اصولی اے،اساں گالھ مہاڑ نال ایندا حل چاہندوں پر ہندوستان نی چاہندا،اساڈی اکانومی اچ استحکام امدا پے اتے ایں وچ اعتماد امسی،ایں نال ترقی دا پھیتا چلسی۔خمیس کوں گورنر ہاﺅس پنجاب لاہوراچ میڈیا نال گالھ مہاڑکریندیں ہوئیں انہاں رحیم یار خان اچ پیش آونڑ آلے ٹرین دے دلخراش سانحے تے افسوس کیتا اتے آکھیا جو وزیراعظم عمران خان فوری طور تحقیقاتی کمیٹی بنڑاونڑ دا حکم ڈے ڈتے،انشاءاللہ تحقیقات تھیسی اتے ذمہ واراں کوں سزا ملسی۔
مضمون کا ماخذ : گرم سے زیادہ گرم
